پاکستان بمقابلہ سری لنکا انڈر19 ون ڈے سیریز میں پاکستان کی شاندار واپسی

زاہد فاروق ملک

24th Oct, 2023. 06:22 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان بمقابلہ سری لنکا انڈر19 ون ڈے سیریز میں پاکستان کی شاندار واپسی

پاکستان بمقابلہ سری لنکا انڈر19 ون ڈے سیریز میں پاکستان نے دوسرا میچ جیت کر شاندار کم بیک کیا ہے۔

پاکستان اور سری لنکا کی انڈر 19 ٹیموں کے درمیان ون ڈے سیریز جاری ہے جس کا دوسرا میچ پاکستان نے اپنے نام کرلیا ہے جب کہ پہلے میچ میں پاکستان کو شکست ہوئی تھی۔

دوسرے میچ میں پاکستان انڈر 19 ٹیم نے 59 رنز سے کامیابی اپنے نام کی جب کہ پاکستان نے پہلے کھیلتے ہوئے 254 رنز بنائے تھے۔

عرفات منہاس نے 95 رنز کی شاندار اننگز کھیلی، شائمل حسین نے 53 رنز اسکور کیے جب کہ سری لنکا کی جانب سے گاروکا سانکتھ اور رویشان پریرا نے 3،3 وکٹیں حاصل کیں۔

یہ بھی پڑھیں: سری لنکا کے خلاف چار روزہ میچ کے لیے پاکستان انڈر 19 ٹیم کا اعلان

مطلوبہ ہدف کے تعاقب میں سری لنکا انڈر19 ٹیم 43.4 اوور میں 195 رنز ہی بناسکی، پولندو پریرا نے 36، رویشان پریرا اور ویہاس تھیمیکا نے 32،32 رنز کی اننگز کھیلی۔

پاکستان کے لیے عبید شاہ اور احمد حسین نے 3،3 کھلاڑیوں کو آؤٹ کیا جب کہ نوید احمد نے 2 کھلاڑیوں کو پویلین کی راہ دکھائی۔

شاندار اننگز کھیلنے پر عرفات منہاس مین آف دی میچ قرار پائے جب کہ پانچ میچوں کی ون ڈے سیریز پاکستان نے 1،1 سے برابر کردی ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں