مصباح الحق نے ابھرتے ہوئے دو پاکستانی اسپنرز کے نام بتادیے جو کلدیپ یادیو اور تبریز شمسی جیسے بین الاقوامی اسٹار بن سکتے ہیں۔

حال ہی میں مقامی میڈیا چینل پر گفتگو کرتے ہوئے سابق کپتان مصباح الحق نے ابھرتے ہوئے دو نوجوان پاکستانی اسپنرز کا انکشاف کیا ہے جو بین الاقوامی اسٹار بننے کی صلاحیت رکھتے ہیں۔

مصباح الحق کا کہنا تھا ’’بدقسمتی سے میں پاکستان کے گزشتہ 10، 12 سالوں کی بات کروں گا جس میں ہمیں کوئی اس قسم کا بولر نہیں ملا لیکن ابھی حال ہی میں ایسے دو بولر ملیں ہیں‘‘۔

انہوں نے بتایا ’’پہلے فیصل اکرم ہیں جو انڈر 16 کھیل کر آرہے ہیں لیکن انہیں مسلسل مواقع نہیں مل رہے اور نہ ہی وہ اتنی زیادہ بولنگ کررہے ہیں‘‘۔

ان کا کہنا تھا ’’ہم نے فیصل اکرم کو پاکستان کے خلاف پریکٹس میچ کے لیے مدعو کیا تو ہر کھلاڑی کو انہیں کھیلنے میں پریشانی کا سامنا تھا، حتیٰ کے کھلاڑیوں کو انہیں نیٹ پر بھی کھیلنے میں پریشانی ہورہی تھی‘‘۔

سابق کپتان نے مزید بتایا ’’دوسرے اسپنر سفیان مقیم ہیں جو اس وقت پاکستان شاہینز کے لیے کھیل رہے ہیں‘‘۔

یاد رہے کہ آئی سی سی ورلڈکپ کے دوران پاکستانی کھلاڑیوں کو اسپنرز کو کھیلنے میں مشکلات پیش آرہی ہیں جب کہ قومی ٹیم کے اعداد و شمار بھی ان حقائق کی تصدیق کرتے ہیں۔

مین ان گرین کو ٹورنامنٹ کے دوران اسپنرز کے خلاف رنز بنانے میں مشکلات پیش آرہی ہیں جب کہ قومی ٹیم کو بھارت، آسٹریلیا، افغانستان اور جنوبی افریقہ کے خلاف مسلسل چار شکستوں کا سامنا کرنا پڑا ہے۔

دیکھا گیا ہے کہ ٹورنامنٹ کے دوران قومی کھلاڑیوں کی اہم وکٹیں اسپنرز نے حاصل کی ہیں جن میں جنوبی افریقہ کے اسپنر تبریز شمسی، بھارت کے کلدیپ یادیو، افغانستان کے ڈیبیو کرنے والے اسپنر نور احمد اور آسٹریلوی اسپنر ایڈم زمپا شامل ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں