پاکستان کرکٹ بورڈ نے حکومت سے بھارت میں کھلاڑیوں کی سیکیورٹی کا جائزہ لینے کی درخواست کردی ہے۔

پی سی بی کی انتظامی کمیٹی کے چیئرمین ذکاء اشرف نے پاکستان کے سیکرٹری خارجہ سجاد قاضی سے ملاقات کی۔

ملاقات میں آئی سی سی کرکٹ ورلڈکپ کی کوریج کے لیے پاکستان کے شائقین اور صحافیوں کے ویزوں میں تاخیر پر شدید تشویش کا اظہار کیا گیا۔

چیئرمین نے سیکرٹری خارجہ سے نئی دہلی میں پاکستانی ہائی کمیشن کے دفتر کے ذریعے یہ معاملہ وزارت داخلہ کے ساتھ اٹھانے کی بھی درخواست کی۔

پی سی بی نے بھارتی میڈیا میں رپورٹ ہونے والے سیکیورٹی خطرات کا بھی سخت نوٹس لیا ہے اور حکومت سے بھارت میں کھلاڑیوں کی سیکیورٹی کا جائزہ لینے کی درخواست کی ہے۔

انہوں نے اس بات پر زور دیا کہ پاکستانی اسکواڈ کی فلاح و بہبود اور حفاظت انتہائی اہمیت کی حامل ہے۔

پی سی بی یہ دیکھ کر انتہائی مایوس ہوا کہ پاکستان کے صحافیوں اور شائقین کو اب بھی آئی سی سی ورلڈ کپ 2023 میں پاکستان کے کھیلوں کی کوریج کے لیے ہندوستانی ویزا کے حصول کے بارے میں غیر یقینی صورت حال کا سامنا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں