وہاب ریاض قومی سلیکشن کمیٹی کے سربراہ مقرر

اعجاز وسیم باکھری

17th Nov, 2023. 05:54 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وہاب ریاض قومی سلیکشن کمیٹی کے سربراہ مقرر

سابق فاسٹ بولر وہاب ریاض کو قومی مینز سلیکشن کمیٹی کا چیف سلیکٹر مقرر کردیا گیا ہے۔

پاکستان کرکٹ بورڈ کے مطابق سابق فاسٹ بولر وہاب ریاض کو قومی مینز سلیکشن کمیٹی کا چیف سلیکٹر مقرر کیا گیا ہے جب کہ ان کی اسائنمنٹ 14 دسمبر سے 7 جنوری 2024 تک آسٹریلیا میں ہونے والی تین ٹیسٹ میچوں کی سیریز کے لیے ٹیم کا انتخاب ہے۔

پی سی بی کا کہنا ہے کہ وہاب ریاض کی دوسری اسائنمنٹ نیوزی لینڈ میں قومی ٹیم کے پانچ ٹی ٹونٹی میچز کیلئے ٹیم کا انتخاب ہے۔

یہ بھی پڑھیں: وہاب ریاض کو چیف سلیکٹر کے لیے کلیئرنس مل گئی

اس حوالے سے وہاب ریاض کا کہنا ہے کہ قومی سلیکشن کمیٹی کا سربراہ بننا اعزاز کی بات ہے، پاکستان کرکٹ بورڈ کی منیجمنٹ کمیٹی کے سربراہ ذکاء اشرف کا شکریہ ادا کرتا ہوں۔

وہاب ریاض نے کہا نیوزی لینڈ کے دورے سے ہمیں آئندہ سال جون میں امریکہ اور ویسٹ انڈیز میں ہونے والے ٹی ٹوئنٹی ورلڈکپ کے لیے ایک متوازن ٹیم تشکیل دینے میں مدد ملے گی۔

انہوں نے مزید کہا کہ ہمیں محمد حفیظ کی شکل میں اچھا ٹیم ڈائریکٹر موجود ہے اور ہم مل کر پاکستان کرکٹ کی کامیابی کے لیے کام کریں گے۔