قومی کرکٹر امام الحق کی شادی کی تقریبات اختتام پذیر ہوگئی ہیں۔

پاکستان کرکٹ ٹیم کے مایہ ناز بیٹر امام الحق کی شادی کی تقریبات کا آغاز 21 نومبر کو ناروے میں مہندی کی تقریب سے ہوا تھا جس کے بعد 23 نومبر کو لاہور میں قوالی نائٹ کا اہتمام کیا گیا۔

قوالی نائٹ میں معروف قوال حمزہ اکرم نے اپنی آواز کا جادو جگایا اور مہمانوں کو اپنی پرفارمنس سے خوب محظوظ کیا جب کہ 25 نومبر کو نکاح کے بعد یہ خوبصورت جوڑا رشتہ ازدواج میں بندھ گیا۔

تاہم اب ان کے پرتعیش ولیمے کی تصاویر اور ویڈیوز سوشل میڈیا پر وائرل ہورہی ہیں، جنہیں صارفین کی جانب سے بے حد پسند کیا جارہا ہے۔

امام الحق کی اہلیہ انمول محمود کے نام سے منسوب ٹوئٹر اکاؤنٹ کی جانب سے بھی ولیمے کی تصایر سماجی رابطے کی سائٹ ایکس پر شیئر کی گئیں۔

Advertisement

I am so lucky to have you as my husband and this is the best day in my life.
Thanks for joining me on this lifetime journey! Here’s to many more years. pic.twitter.com/9wnitBKbOX

— Anmol Mehmood (@IAnmolMehmood) November 27, 2023

تصاویر شیئر کرتے ہوئے انمول محمود نے لکھا ’’میں بہت خوش قسمت ہوں کہ آپ میرے شوہر ہیں اور یہ میری زندگی کا بہترین دن ہے، زندگی بھر کے اس سفر میں میرے ساتھ شامل ہونے کا شکریہ! ابھی بہت سے سال باقی ہیں‘‘۔

تصاویر میں دیکھا جاسکتا ہے کہ امام الحق نے گہرے نیلے رنگ کا تھری پیس سوٹ پہنا ہوا ہے جب کہ ان کی اہلیہ نے انگوری رنگ کا خوبصورت لباس زیب تن کیا ہے۔

واضح رہے کہ امام الحق کے ولیمے کی تقریب لاہور میں منعقد کی گئی تھی جس میں کئی نامور موجودہ اور سابق کھلاڑیوں سمیت شوبز کی شخصیات نے بھی شرکت کی۔