ورلڈکپ کے 38 ویں میچ میں بنگلادیش نے سری لنکا کو 3 وکٹوں سے شکست دے دی۔

آئی سی سی مینز کرکٹ ورلڈکپ کا 38 واں میچ بنگلادیش اور سری لنکا کی ٹیموں کے درمیان نئی دہلی کے ارون جیٹلی اسٹیڈیم میں کھیلا گیا جو بنگلادیش کے نام رہا۔

بنگلادیش نے ٹاس جیت کر بیٹنگ کی دعوت دی تو سری لنکن ٹیم 49.3 اوورز میں 279 رنز پر آل آؤٹ ہوگئی۔ بنگلادیش نے مقررہ ہدف 41.1 اوورز میں 7 وکٹوں کے نقصان پر حاصل کرلیا۔

سری لنکا کی بیٹنگ

سری لنکا کی جانب سے چراتھ اسالنکا نے 108 رن کی اننگز کھیلی، سدیرا سمارا وکراما 41 اور نسانکا 41 رن  بنا کر آؤٹ ہوئے جب کہ ڈی سلوا نے 34 اور مہیش تھیکشانا نے 22 رن کی اننگ کھیلی۔

بنگلادیش کی جانب سے تنظیم حسن نے 3 وکٹیں حاصل کیں جب کہ شریف السلام اور شکیب الحسن نے 2 ،2 کھلاڑیوں کو آؤٹ کیا۔

بنگلادیش کی بیٹنگ

بنگلادیش کی جانب سے نجم الحسن شنتو 90 اور کپتان شکیب الحسن 82 رنز بنا کر نمایاں رہے  جب کہ اوپنر لٹن داس 23، محمود اللہ 22، مشفق رحمان 10 بناکر آؤٹ ہوئے۔

سری لنکا کی جانب سے مدھوشنکا نے 3 وکٹیں حاصل کیں، اینجلو میتھیوز اور مہیش ٹھیکشانا نے 2، 2 کھلاڑیوں کو آؤٹ کیا۔

واضح رہے کہ اس میچ میں سری لنکا کے اینجیلو میتھیوز بغیر کوئی گیند کھیلے آؤٹ ہوگئے تھے، انہیں انٹرنیشنل کرکٹ کی تاریخ میں پہلی بار ٹائم آؤٹ ہونے پر مخالف ٹیم کی اپیل پر آؤٹ قرار دیا گیا تھا۔