ورلڈکپ کی ٹیم آف دی ٹورنامنٹ میں کوئی بھی پاکستانی کھلاڑی جگہ نہیں بناسکا

ویب ڈیسک

20th Nov, 2023. 04:39 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ورلڈکپ کی ٹیم آف دی ٹورنامنٹ میں کوئی بھی پاکستانی کھلاڑی جگہ نہیں بناسکا

انٹرنیشنل کرکٹ کونسل (آئی سی سی) نے ورلڈکپ کی ٹیم آف دی ٹورنامنٹ کا اعلان کردیا ہے۔

انٹرنیشنل کرکٹ کونسل کی جانب سے ورلڈکپ کے اختتام پر ٹیم آف دی ٹورنامنٹ کا اعلان کیا گیا ہے جس میں کوئی بھی پاکستانی کھلاڑی جگہ بنانے میں ناکام رہا۔

بھارتی کپتان روہت شرما کو ٹیم کا کپتان نامزد کیا گیا ہے جب کہ ٹیم میں بھارتی اسٹار کھلاڑی ویرات کوہلی، کے ایل راہول، رویندرا جڈیجا، بولر جسپریت بمراہ اور محمد شامی شامل ہیں۔

Best of the best 😍
Advertisement
Revealing the official CWC23 Team of the Tournament 👇https://t.co/WBmJnsdZ0e
— ICC (@ICC) November 20, 2023

علاوہ ازیں ٹیم آف دی ٹورنامنٹ میں جنوبی افریقہ کے کوئنٹن ڈی کوک، نیوزی لینڈ کے ڈیرل مچل، آسٹریلیا کے گلین میکسویل اور لیگ اسپنر ایڈم زیمپا بھی شامل ہیں۔

یہ بھی پڑھیں: ورلڈکپ فائنل میں بھارت کی شرمناک شکست پر میمز کی بھرمار

سری لنکا کے دلشان مدوشناکا کو بھی ورلڈکپ کی ٹیم آف دی ٹورنامنٹ میں شامل کیا گیا ہے جب کہ جنوبی افریقہ کے فاسٹ بولر جیرالڈ کوئٹزی کو 12 ویں کھلاڑی کے طور پر شامل کیا گیا ہے۔

واضح رہے کہ پاکستان، انگلینڈ، افغانستان، نیدرلینڈز اور بنگلادیش کا کوئی بھی کھلاڑی ورلڈکپ کی ٹیم آف دی ٹورنامنٹ میں جگہ نہیں بناسکا ہے۔