سابق کپتان وسیم اکرم کا کہنا ہے کہ ورلڈکپ میں بابر اعظم کی کارکردگی ٹیم کے دباؤ کی وجہ سے متاثر ہوئی۔
مقامی اسپورٹس چینل پر گفتگو کرتے ہوئے سابق کپتان وسیم اکرم نے انکشاف کیا کہ بابر اعظم پر کپتانی کے دباؤ کا اثر ہوا جس کی وجہ سے وہ پرفارم کرنے میں ناکام رہے۔
یہ بھی پڑھیں: ورلڈکپ میں ناقص کارکردگی کے باوجود پاکستان ٹیم کو کروڑوں روپے ملیں گے
انہوں نے کہا کہ جب آپ بیٹنگ کرنے کریز پر آتے ہیں تو آپ کو کپتانی کے حوالے سے سوچ کو ایک طرف رکھنے کی ضرروت ہوتی ہے جب کہ کپتان ایشیاکپ سمیت ورلڈکپ میں بھی تناؤ کا شکار دکھائی دیے۔
ان کا بابر اعظم کو مشورہ دیتے ہوئے کہنا تھا ’’کپتانی کا دباؤ ہمیشہ رہے گا لیکن جب آپ کریز پر آئیں تو اپنی ساری توجہ رنز بنانے پر مرکوز رکھیں‘‘۔
یاد رہے کہ بابر اعظم کی قیادت میں پاکستان کرکٹ ٹیم ورلڈکپ میں بری طرح ناکام ہوکر آج وطن واپس پہنچ گئی ہے جب کہ قومی ٹیم کو لیگ کے 5 میچز میں شکست کا سامنا کرنا پڑا تھا۔
یہ ورلڈکپ کی تاریخ میں پہلی بار ہوا ہے کہ قومی ٹیم کو لیگ کے 5 میچز میں شکست کا سامنا کرنا پڑا ہو جس میں 4 لگاتار شکست بھی شامل ہیں۔
واضح رہے کہ کپتان بابر اعظم بھی ورلڈکپ میں کوئی خاص کارکردگی کا مظاہرہ نہیں کرسکے جب کہ انہوں نے ٹورنامنٹ میں 40 کی ایوریج سے 282 رنز اسکور کیے تھے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News