دورہ آسٹریلیا کے لیے ٹیم مینجمنٹ اور کوچنگ اسٹاف کا اعلان

اعجاز وسیم باکھری

28th Nov, 2023. 08:55 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

دورہ آسٹریلیا کے لیے ٹیم مینجمنٹ اور کوچنگ اسٹاف کا اعلان

پاکستان کرکٹ بورڈ نے دورہ آسٹریلیا کے لیے ٹیم مینجمنٹ اور کوچنگ اسٹاف کا اعلان کردیا ہے۔

دورہ آسٹریلیا کے لیے نوید اکرم چیمہ ٹیم مینجر اور محمد حفیظ ڈائریکٹر پاکستان ٹیم ہوں گے جب کہ انگلینڈ کے سابق بلے باز ایڈم ہولیوک کو بیٹنگ کوچ مقرر کیا گیا ہے۔

سائمن گرانٹ ہیلمٹ ہائی پرفارمنس کوچ مقرر کیے گئے ہیں جب کہ عمرگل فاسٹ بولنگ کوچ اور سعید اجمل اسپن بولنگ کوچ ہوں گے۔

یہ بھی پڑھیں: دورہ آسٹریلیا کے لیے تربیتی کیمپ میں شامل کھلاڑیوں کے نام سامنے آگئے

عبدالمجید فیلڈنگ کوچ، منصور رانا اسسٹنٹ ٹیم مینجر اور شاہد اسلم اسسٹنٹ بیٹنگ کوچ مقرر جب کہ ڈریکس سائمین اسٹرینتھ اینڈ کنڈیشننگ کوچ ہوں گے۔

کلف ڈیکن فزیو تھراپسٹ، طلحہ اعجاز ٹیم انالسٹ ہوں گے جب کہ لیفٹننٹ کرنل (ریٹائرڈ) اختر حسین ٹیم سیکیورٹی مینجر مقرر۔

واضح رہے کہ پاکستان اور آسٹریلیا کے درمیان پہلا ٹیسٹ 14 سے 18 دسمبر تک پرتھ میں کھیلا جائے گا جب کہ دوسرا ٹیسٹ 26 سے 30 دسمبر تک میلبرن میں ہوگا اور 3 سے 7 جنوری تک تیسرے ٹیسٹ کی میزبانی سڈنی کرے گا۔