شعیب ملک نے ٹی ٹوئنٹی ورلڈکپ 2024 کے لیے دستیابی ظاہر کردی

ویب ڈیسک

02nd Nov, 2023. 10:48 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شعیب ملک نے ٹی ٹوئنٹی ورلڈکپ 2024 کے لیے دستیابی ظاہر کردی

سابق کپتان اور تجربہ کار آل راؤنڈر شعیب ملک نے ٹی ٹوئنٹی ورلڈکپ 2024 کے لیے دستیابی ظاہر کردی ہے۔

آئی سی سی ٹی ٹوئنٹی ورلڈکپ 2024 کا انعقاد امریکہ اور ویسٹ انڈیز میں ہوگا جس کے لیے تجربہ کار آل راؤنڈر شعیب ملک نے دستیابی ظاہر کردی ہے۔

مقامی چینل پر گفتگو کرتے ہوئے سابق کپتان نے کہا کہ 2024 میں پاکستان کے لیے میں ٹی ٹوئنٹی ورلڈکپ جیتنا پسند کروں گا اور مجھے فٹنس کا کوئی مسئلہ درپیش نہیں۔

یہ بھی پڑھیں: شعیب ملک کی نظر میں کپتانی کیلئے بہترین کھلاڑی کون؟ اہم نام سامنے آگیا

انہوں نے کہا ’’میں آج بھی اتنا ہی فٹ ہوں جتنا پہلے تھا، اگر پی سی بی مجھ سے رابطہ کرتا ہے تو میں دستیاب ہوں گا‘‘۔

خیال رہے کہ 42 سالہ کھلاڑی 124 ٹی ٹوئنٹی میچز میں قومی ٹیم کی نمائندگی کرچکے ہیں جس میں 31.21 کی اوسط اور 125.64 کے اسٹرائیک ریٹ سے 2 ہزار 435 رنز اسکور کیے ہیں۔

علاوہ ازیں سابق کپتان ٹی ٹوئنٹی کرکٹ میں 12 ہزار 688 رنز کے ساتھ دوسرے سب سے زیادہ رنز بنانے والے کھلاڑی ہیں جب کہ انہوں نے 79 نصف سنچریاں بھی اسکور کی ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں