ٹی ٹوئنٹی ورلڈکپ 2024 میں پاک بھارت ٹیمیں ایک ہی گروپ کا حصہ ہوں گی

ویب ڈیسک

21st Dec, 2023. 04:35 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

ٹی ٹوئنٹی ورلڈکپ 2024 میں پاک بھارت ٹیمیں ایک ہی گروپ کا حصہ ہوں گی
ایشیا کپ، پاکستان کی شاندار واپسی، بنگلا دیش کو ہرا کر فائنل میں جگہ بنا لی
صاحبزادہ فرحان اور دھونی کے اسٹائل میں مماثلت، مگر اعترض کیوں؟ گن سیلیبریشن اورکون کون کرچکا؟
بھارتیوں کو پھر مرچیں لگ گئیں، رونالڈو نے بھی حارث رؤف کے انداز میں رافیل گرایا، ویڈیو وائرل

Now Reading:

ٹی ٹوئنٹی ورلڈکپ 2024 میں پاک بھارت ٹیمیں ایک ہی گروپ کا حصہ ہوں گی

آئندہ سال امریکہ اور ویسٹ انڈیز میں ہونے والے ٹی ٹوئنٹی ورلڈکپ میں پاک بھارت ٹیموں کو ایک ہی گروپ میں رکھنے کا فیصلہ کیا گیا ہے۔

خبر رساں ادارے کے مطابق ٹی ٹوئنٹی ورلڈکپ 2024 سے قبل ہی شائقین کرکٹ کا جوش و خروش عروج پر پہنچ گیا ہے جب کہ اس دوران سنسنی خیز مقابلے دیکھنے کو ملیں گے۔

2013 کے بعد سے ہی ہر آئی سی سی ایونٹ میں پاک بھارت ٹیموں کو ایک ہی گروپ میں رکھا جارہا ہے اور شائقین کرکٹ کی دلچسپی کو مزید بڑھانے کے لیے اس ایونٹ میں بھی دونوں ٹیموں کو ایک ہی گروپ کا حصہ بنایا گیا ہے۔

یہ بھی پڑھیں: گوتم گمبھیر کا پاک بھارت شائقین کو مشورہ

یاد رہے کہ آئی سی سی نے ورلڈکپ 2024 میں پاک بھارت ٹاکرا نیوریارک میں کروانے پر اتفاق کیا ہے جو آئزن ہاور پارک میں کھیلا جائے گا جو کہ نیوریارک سے 25 کلومیٹر دور لانگ آئس لینڈ میں واقع ہے۔

پاک بھارت مقابلے کے لیے اسٹیڈیم میں 34 ہزار شائقین موجود ہوں گے جب کہ ٹی وی ناظرین کی خاطر بھارتی میچز امریکی وقت پر علی الصبح کروانے پر بھی اتفاق کیا گیا ہے۔

واضح رہے کہ ٹی ٹوئنٹی ورلڈکپ 2024 میں کل 20 ٹیمیں شامل ہوں گی جنہیں چار گروپس میں تقسیم کیا جائے گا اور ہر گروپس میں سے دو ٹیمیں سپر 8 مرحلے میں کوالیفائی کریں گی جب کہ ٹی ٹوئنٹی ورلڈکپ 4 جون سے 30 جون کے درمیان کھیلا جانا ہے۔