ٹیسٹ سیریز سے قبل پاکستان کرکٹ ٹیم چار روزہ میچ کے لیے پرائم منسٹر الیون کے مدمقابل ہے۔

پاکستان کرکٹ ٹیم اور آسٹریلیا کی پرائم منسٹر الیون کے درمیان چار روزہ میچ کینبرا میں کھیلا جارہا ہے جس کا پہلے دن کا کھیل آج اختتام پذیر ہوگیا ہے۔

پاکستان نے ٹاس جیت کر پہلے بیٹنگ کرنے کا فیصلہ کیا جب کہ پاکستان نے دن کے اختتام تک 6 وکٹوں کے نقصان پر 324 رنز اسکور کرلیے۔

کپتان شان مسعود شاندار بیٹنگ کا مظاہرہ کرتے ہوئے 156 رنز بناکر ناٹ آؤٹ رہے جب کہ پہلے دن کے کھیل میں کئی دلچسپ لمحات بھی دیکھنے کو ملے۔

دن کے آغاز پر اوپنر امام الحق کو مشکل صورت حال کا سامنا کرنا پڑا اور زیادہ رنز بنانے میں ناکام رہے جب کہ وہ 24 گیندوں پر محض 9 رنز بناکر پویلین لوٹ گئے۔

Advertisement

How about this for a first over from Jordan Buckingham?

A maiden capped with the prized wicket of Imam-ul-Haq.#PMXIvPAK pic.twitter.com/5D9nCMN1yz

— cricket.com.au (@cricketcomau) December 6, 2023

پورے دن کے کھیل میں بابر اعظم کے شاٹس نمایاں رہے، انہوں نے ٹوڈ مرفی کی گیند پر پہلی شاندار اسکوائر ڈرائیو کھیلتے ہوئے باؤنڈی ماری جب کہ 33 رنز بنانے کے بعد بیو ویبسٹر کی گیند پر شاندار بلے بازی کا مظاہرہ کرتے ہوئے اسٹریٹ ڈرائیو کھیلی۔

Advertisement

Babar Azam's first boundary of the Australia tour comes from a lovely square drive

Stream on the CA Live app or via https://t.co/7zqZfeoFWf #PMXIvPAK pic.twitter.com/DDAZ9UQmdK

— cricket.com.au (@cricketcomau) December 6, 2023

میچ کے دلچسپ لمحات میں سے ایک جب شان مسعود نے بیو ویبسٹر کی گیند پر شاٹ کھیلا تو نان اسٹرائیکر اینڈ پر موجود بابر اعظم نے اسے پکڑنے کی کوشش کی جب کہ گیند ان سے دور تھی۔

Advertisement

Babar Azam keeping himself in the game at the non-striker's end…. #PMXIvPAK pic.twitter.com/bMZk2Nk7pi

— cricket.com.au (@cricketcomau) December 6, 2023

کرکٹ آسٹریلیا نے سابق کپتان بابر اعظم کے اس واقعے پر ایک مزاحیہ تبصرہ پیش کرتے ہوئے لکھا ’’بابر اعظم نان اسٹرائیکر اینڈ پر موجود ہونے کے باوجود بھی مصروف رہے‘‘۔