نیشنل ٹی ٹوئنٹی کپ کے فائنل میں کراچی وائٹس کے کھلاڑی اعظم خان نے ناقابل یقین کیچ پکڑ کر سب کو حیران کردیا ہے۔

کراچی وائٹس اور ایبٹ آباد کی ٹیموں کے درمیان نیشنل ٹی ٹوئنٹی کپ کا فائنل نیشنل بینک کرکٹ ایرینا میں کھیلا گیا جس میں کراچی وائٹس نے کامیابی اپنے نام کی۔

کراچی وائٹس نے سنسنی خیز مقابلے کے بعد ایبٹ آباد کو 9 رنز سے شکست دی جب کہ فائنل میں اعظم خان کا کیچ سب کی توجہ کا مرکز بن گیا۔

کراچی وائٹس کے وکٹ کیپر اعظم خان نے بھاگتے ہوئے شاندار کیچ لے کر ٹیم کی جیت میں اہم کردار ادا کیا۔

Advertisement

Oh! Fantastic, fantastic stuff from @MAzamKhan45 ! The risk that he took to take that catch says it all – If it dropped, he would’ve been in front of so many fingers pointing at him.

Any praise’d be less for such an effort 👏#AzamKhan #NationalT20

pic.twitter.com/uFKVZuSVxe

— Ameer Hamza Asif (@AmeerHamzaAsif) December 10, 2023

یاد رہے کہ اعظم خان کو بھاری جسامت کی وجہ سے کڑی تنقید کا نشانہ بنایا جاتا ہے تاہم انہوں نے یہ کیچ پکڑ کر ناقدین کو کرارا جواب دیا ہے۔

اعظم خان کے کیچ پکڑنے کی ویڈیو سوشل میڈیا پر بھی تیزی سے وائرل ہوئی اور ساتھی کھلاڑیوں سمیت شائقین نے انہیں خوب سراہا۔

خیال رہے کہ اس میچ میں ایبٹ آباد نے ٹاس جیت کر فیلڈنگ کرنے کا فیصلہ کیا تھا جب کہ کراچی وائٹس نے پہلے بیٹنگ کرتے ہوئے مقررہ 20 اوورز میں 9 وکٹوں کے نقصان پر 155 رنز اسکور کیے تھے۔

ہدف کے تعاقب میں ایبٹ آباد کی ٹیم ناکام رہی اور مقررہ 20 اوورز میں 9 وکٹوں کے نقصان پر 146 رنز ہی بناسکی۔