ڈومینیکا ٹی ٹوئنٹی ورلڈکپ کے میچز کی میزبانی سے دستبردار

ویب ڈیسک

01st Dec, 2023. 04:31 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ڈومینیکا ٹی ٹوئنٹی ورلڈکپ کے میچز کی میزبانی سے دستبردار

کرکٹ ویسٹ انڈیز کے مطابق مقامات کی اپ گریڈیشن میں تاخیر کی وجہ سے ڈومینیکا ٹی ٹوئنٹی ورلڈکپ 2024 کے میچز کی میزبانی سے دستبردار ہوگیا ہے۔

کرکٹ ویسٹ انڈیز کا کہنا ہے کہ میچ اور پریکٹس کے مقامات کی اپ گریڈیشن نا مکمل ہونے کی وجہ سے ڈومینیکا نے آئی سی سی ٹی ٹوئنٹی ورلڈکپ 2024 کی میزبانی سے دستبرداری اختیار کرلی ہے۔

کرکٹ ویسٹ انڈیز کا اپنے بیان میں کہنا تھا کہ روسو کے ونڈسر پارک میں ٹی ٹوئنٹی ورلڈکپ کے گروپ اسٹیج کا ایک میچ اور سپر 8 مرحلے کے دو میچز شیڈول تھے لیکن وہاں کی حکومت نے سہولیات فراہم کرنے میں ناکام ثابت ہوئی ہے۔

یہ بھی پڑھیں: آئی سی سی نے ٹی ٹوئنٹی ورلڈکپ 2024 کے لیے وینیوز فائنل کردیے

کرکٹ ویسٹ انڈیز کے چیف ایگزیکٹیو جانی گریو کہتے ہیں ’’ہم حکومت کے فیصلے کو تسلیم کرتے ہیں اور بیان کردہ وجوہات اور پوزیشن کو سمجھتے ہیں‘‘۔

انہوں نے کہا ’’ہم مستقبل میں بین الاقوامی میچز کی میزبانی کے لیے ڈومینیکا کی حکومت اور ڈومینیکا کرکٹ ایسوسی ایشن کے ساتھ کام جاری رکھنے کے منتظر ہیں‘‘۔

واضح رہے کہ ڈومینیکا ویسٹ انڈیز کے ان 7 ممالک میں سے ایک ہے جسے امریکہ کے ساتھ ٹی ٹوئنٹی ورلڈکپ 2024 کے میچز کے لیے منتخب کیا گیا تھا۔