پرتھ ٹیسٹ کے دوسرے روز پاکستان نے 2 وکٹوں کے نقصان پر 132 رنز بنالیے ہیں۔

پاکستان اور آسٹریلیا کی ٹیموں کے درمیان پرتھ میں ٹیسٹ سیریز کا پہلا میچ جاری ہے جس کے دوسرے دن کا کھیل ختم ہوگیا ہے۔

دوسرے دن کے اختتام تک پاکستان نے دو وکٹوں کے نقصان پر 132 رنز بنالیے ہیں جب کہ اس سے قبل آسٹریلیا نے پہلی اننگز میں 487 رنز اسکور کیے تھے۔

Following Aamir Jamal's six-fer, Pakistan finish Day Two at 132-2 trailing by 355 runs 🏏#AUSvPAK pic.twitter.com/sHCrsjYqic

Advertisement

— Pakistan Cricket (@TheRealPCB) December 15, 2023

پاکستان کی پہلی اننگز

پاکستان کی جانب سے عبداللہ شفیق اور امام الحق نے ٹیم کو اچھا آغاز فراہم کرتے ہوئے 74 رنز اسکور کیے جس کے بعد عبداللہ شفیق 42 رنز پر نتھن لیون کی گیند پر کیچ دے بیٹھے۔

بعد ازاں کپتان شان مسعود 30 رنز پر مچل اسٹارک کا شکار ہوئے جب کہ امام الحق 38 اور خرم شہزاد 7 رنز کے ساتھ کریز پر موجود ہیں جب کہ پاکستان کو پہلی اننگز کی سبقت ختم کرنے کے لیے 355 رنز درکار ہیں۔

آسٹریلیا کی پہلی اننگز

آسٹریلیا کی جانب سے اوپنر ڈیوڈ وارنر 164 رنز کے ساتھ نمایاں رہے، مچل مارش نے 90 رنز کی اننگز کھیلی جب کہ عثمان خواجہ 41 اور ٹریوس ہیڈ 40 رنز بناکر آؤٹ ہوئے۔

علاوہ ازیں ایلکس کیری 34، اسٹیون اسمتھ 31، مارنس لبوشین 16، مچل اسٹارک 12، پیٹ کمنز 9 اور نتھن لیون 5 رنز ہی بناسکے جب کہ جوش ہیزل ووڈ 4 رنز پر ناٹ آؤٹ رہے۔

پاکستان کی جانب سے عامر جمال نے عمدہ بولنگ کا مظاہرہ کرتے ہوئے 6 کھلاڑیوں کا شکار کیا جب کہ خرم شہزاد 2 وکٹیں لینے میں کامیاب رہے، شاہین آفریدی اور فہیم اشرف کے حصے میں ایک ایک وکٹ آئی۔

6️⃣ wickets for Aamir Jamal! Sixth-best bowling figures by a 🇵🇰 player on Test debut 👏

Australia are all out for 487 in their first innings 🏏#AUSvPAK pic.twitter.com/KQSTrfivpt

Advertisement

— Pakistan Cricket (@TheRealPCB) December 15, 2023