پاکستان کے ٹی ٹوئنٹی اسکواڈ میں شامل کھلاڑی کل نیوزی لینڈ کے خلاف ٹی ٹوئنٹی سیریز کے لیے روانہ ہوں گے۔

پاکستان کے ٹی ٹوئنٹی اسکواڈ میں شامل بابر اعظم، صائم ایوب، محمد رضوان، عامر جمال، شاہین آفریدی اور وسیم جونیئر کل اسٹریلیا سے نیوزی لینڈ کے لیے روانہ ہوں گے۔

آسٹریلیا کے خلاف ٹیسٹ سیریز کے اختتام پر شان مسعود، عبداللہ شفیق، امام الحق، سعود  شکیل، سرفراز احمد، ساجد خان، میر حمزہ، سلمان آغا، حسن علی اور فہیم اشرف کل وطن واپس روانہ ہوجائیں گے۔

یاد رہے کہ نیوزی لینڈ کے خلاف پانچ میچز کی ٹی ٹوئنٹی سیریز 12 سے 21 جنوری تک آکلینڈ، ہیملٹن، ڈونیڈن اور کرائسٹ چرچ میں کھیلی جائے گی۔

پہلا ٹی ٹوئنٹی انٹرنیشنل 12 جنوری کو آکلینڈ میں کھیلا جائے گا جب کہ دوسرا میچ 14 جنوری کو ہیملٹن میں ہوگا۔

دونوں ٹیموں کے درمیان تیسرا میچ 17 جنوری کو ڈونیڈن، چوتھا میچ 19 جنوری کو کرائسٹ چرچ اور پانچواں و آخری میچ بھی 21 جنوری کو کرائسٹ چرچ میں ہی کھیلا جانا ہے۔

قومی ٹی ٹوئنٹی اسکواڈ:

شاہین شاہ آفریدی (کپتان)، عامر جمال، عباس آفریدی، اعظم خان (وکٹ کیپر)، بابر اعظم، فخر زمان، حارث رؤف، حسیب اللہ (وکٹ کیپر)، افتخار احمد، محمد نواز، محمد رضوان (وکٹ کیپر)، محمد وسیم جونیئر، صاحبزادہ فرحان، صائم ایوب، اسامہ میر اور زمان خان۔