سڈنی ٹیسٹ کے پہلے دن پاکستان نے آسٹریلیا کے خلاف پہلی اننگز میں 77.1 اوورز میں 313 رنز بنا لیے۔

پاکستان اور آسٹریلیا کی ٹیموں کے درمیان ٹیسٹ سیریز کا تیسرا و آخری ٹیسٹ سڈنی میں کھیلا جارہا ہے جس کے پہلے دن کا کھیل اختتام پذیر ہوگیا۔

پاکستان نے آسٹریلیا کے خلاف تیسرے ٹیسٹ میں ٹاس جیت کر پہلے بیٹنگ کا فیصلہ کیا جو درست ثابت ہوا اور قومی ٹیم پہلی اننگز میں 77.1 اوورز میں 313 رنز بناکر آل آؤٹ ہوگئی۔

They opted to bat first, and Pakistan are bowled out for their highest team total of the series!

Advertisement

After being 96/5, Mohammad Rizwan and Aamer Jamal led the rescue act at the SCG 👏 https://t.co/h8aPNxNQZ0 #AUSvPAK pic.twitter.com/BcXfaBMDyO

— ESPNcricinfo (@ESPNcricinfo) January 3, 2024

عامر جمال نے نہایت عمدہ بیٹنگ کا مظاہرہ کرتے ہوئے 4 چھکوں اور 9 چوکوں کی بدولت 97 گیندوں پر 82 رنز کی اننگز کھیلی۔

https://twitter.com/ESPNcricinfo/status/1742463700022562947

علاوہ ازیں محمد رضوان نے 103 گیندوں پر 88 رنز بنائے، آغا سلمان نے 67 گیندوں پر 53 رنز بنائے جب کہ کپتان شان مسعود 35 رنز بنانے کے بعد آؤٹ ہوئے۔

Back-to-back Test fifties in Australia for Agha Salman 👏https://t.co/h8aPNxNQZ0 #AUSvPAK pic.twitter.com/Y6aCb2nFE3

— ESPNcricinfo (@ESPNcricinfo) January 3, 2024

سابق کپتان بابر اعظم نے 26 رنز کی اننگز کھیلی اور ساجد خان 15 رنز بنانے کے بعد پویلین لوٹے جب کہ میر حمزہ 7 اور سعود شکیل نے صرف 5 رنز اسکور کیے۔

ٹیم میں ڈیبیو کرنے والے صائم ایوب کوئی رنز نہ بناسکے اور صفر پر آؤٹ ہوگئے جب کہ عبداللہ شفیق اور حسن علی بھی صفر پر آؤٹ ہوئے۔

آسٹریلیا کی جانب سے پیٹ کمنز نے 5 کھلاڑیوں کو آؤٹ کیا جب کہ مچل اسٹارک کے حصے میں دو وکٹیں آئیں۔ جاش ہیزل ووڈ، ناتھن لیون اور مچل مارش نے ایک ایک وکٹ حاصل کی۔

Skipper Pat Cummins has picked up his THIRD Test five-for in a row 🌟https://t.co/h8aPNxNQZ0 #AUSvPAK pic.twitter.com/Ro66F0h48k

— ESPNcricinfo (@ESPNcricinfo) January 3, 2024

پاکستان کی جانب سے 313 رنز کے جواب میں آسٹریلیا کی پہلی اننگز میں بیٹنگ جاری ہے اور پہلے روز کا کھیل ختم ہونے پر کینگروز نے بغیر کسی نقصان کے 6 رنز بنا لیے ہیں۔