عثمان خواجہ شاہین کی حمایت میں سامنے آگئے

ویب ڈیسک

04th Jan, 2024. 04:36 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عثمان خواجہ شاہین کی حمایت میں سامنے آگئے

آسٹریلوی کھلاڑی عثمان خواجہ شاہین آفریدی کی حمایت میں سامنے آگئے ہیں۔

پاکستان اور آسٹریلیا کی ٹیموں کے درمیان ٹیسٹ سیریز کا تیسرا میچ سڈنی میں جاری ہے جب کہ اس سے قبل کھیلے گئے دونوں ٹیسٹ میں قومی ٹیم کو شکست کا سامنا کرنا پڑا ہے۔

تیسرے ٹیسٹ میں قومی فاسٹ بولر شاہین آفریدی کو آرام دیا گیا ہے جب کہ عدم شمولیت پر آسٹریلوی کھلاڑی عثمان خواجہ ان کی حمایت میں سامنے آگئے۔

یہ بھی پڑھیں: بھارتی کمنٹیٹر بھی شاہین آفریدی کو سڈنی ٹیسٹ سے ڈراپ کیے جانے پر حیران

میڈیا سے گفتگو کرتے ہوئے عثمان خواجہ نے کہا کہ ورک لوڈ مینجمنٹ ضروری ہے کیونکہ اس کی وجہ سے فٹنس پر اثر پڑتا ہے۔

انہوں نے کہا کہ شاہین آفریدی کی پچھلی انجری کو دیکھتے ہوئے انہیں آرام کی ضرورت ہے جب کہ سیریز کے دوران ہمارے بولرز بھی آرام کرتے ہیں۔

عثمان خواجہ کہتے ہیں کہ مجھے نہیں لگتا کہ پاکستان ٹیسٹ کرکٹ کی قدر نہیں کرتا لیکن انجری کے بعد واپسی پر ٹیسٹ کرکٹ کھیلنا آسان نہیں۔

یہ بھی پڑھیں: سڈنی ٹیسٹ: امام ڈراپ، شاہین کو آرام دے دیا گیا

انہوں نے مزید کہا کہ حقائق جاننا ضروری ہیں اور ایسا لگتا ہے ٹیم مینجمنٹ شاہین آفریدی کو انجری سے بچانے کی کوشش کررہی ہے۔

واضح رہے کہ پاکستان کے سابق کپتان وسیم اکرم اور وقار یونس نے بھی شاہین آفریدی کو سڈنی ٹیسٹ میں نہ کھلانے پر ناراضگی ظاہر کی تھی۔