ٹی ٹوئنٹی ایمرجنگ ایشیاکپ؛ پاکستان کی عمان کو شکست

ویب ڈیسک

21st Oct, 2024. 07:03 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ٹی ٹوئنٹی ایمرجنگ ایشیاکپ؛ پاکستان کی عمان کو شکست

عمان: اے سی سی مینز ٹی ٹوئنٹی ایمرجنگ ایشیاکپ میں پاکستان شاہینز نے عمان کو 74 رنز سے شکست دے دی۔

اے سی سی مینز ٹی ٹوئنٹی ایمرجنگ ایشیاکپ کے گروپ بی کا اہم میچ عمان کرکٹ اکیڈمی گراؤنڈ میں پاکستان شاہینز اور عمان کی ٹیموں کے درمیان کھیلا گیا۔

اس میچ میں پاکستان شاہینز نے ٹاس جیت کر پہلے بیٹنگ کا فیصلہ کرتے ہوئے 5 وکٹوں کے نقصان پر 185 رنز اسکور کیے۔

پاکستان شاہینز کی جانب سے قاسم اکرم 48 رنز کے ساتھ نمایاں اسکورر رہے جب کہ روحیل نذیر 41 اور عرفات منہاس 31 رنز کے ساتھ ناٹ آؤٹ رہے۔

جواب میں عمان کی ٹیم پاکستانی بولرز کے سامنے بے بس دکھائی دی اور مقررہ اوورز میں 7 وکٹوں کے نقصان پر 111 رنز ہی اسکور کرسکی۔

عمان کی جانب سے وسیم علی نے 28 رنز اسکور کیے اور کپتان جتیندر سنگھ 24 رنز اسکور کرسکے لیکن اپنی ٹیم کو جتوانے میں ناکام ثابت ہوئے۔

پاکستان شاہینز کی جانب زمان خان نے دو وکٹیں حاصل کیں جب کہ شاہ نواز دھانی، سفیان مقیم، قاسم اکرم، عرفات منہاس اور محمد عمران نے ایک ایک وکٹ حاصل کی۔

واضح رہے کہ پاکستان شاہینز اپنا تیسرا اور آخری گروپ میچ 23 اکتوبر کو متحدہ عرب امارات کے خلاف کھیلے گی جب کہ پہلے میچ میں پاکستان شاہینز کو بھارت سے شکست کا سامنا کرنا پڑا تھا۔