اظہر محمود نے بابر اعظم کو ڈراپ کرنے کی وجہ بتادی

ویب ڈیسک

14th Oct, 2024. 03:38 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اظہر محمود نے بابر اعظم کو ڈراپ کرنے کی وجہ بتادی

ملتان: قومی ٹیم کے اسسٹنٹ کوچ اظہر محمود کہتے ہیں کہ ہم چاہتے ہیں کہ بابراعظم فریش ہوکر واپس آئیں۔

پاکستان کرکٹ ٹیم کے اسسٹنٹ کوچ اظہر محمود نے انگلینڈ کے خلاف دوسرے ٹیسٹ سے قبل گفتگو کرتے ہوئے بابر اعظم کو اسکواڈ سے ڈراپ کرنے کی وجہ بتادی۔

اظہر محمود نے کہا کہ بابراعظم ہمارے نمبر ون بیٹسمین ہیں اور بابراعظم جیسی تکنیک کسی کی نہیں ہے جب کہ انہیں ڈراپ نہیں ریسٹ دیا گیا ہے۔

قومی ٹیم کے اسسٹنٹ کوچ کا کہنا ہے کہ جب آپ فٹ ہوتے ہیں تو موسم اثر انداز نہیں ہوتا، ہم چاہتے ہیں کہ بابراعظم فریش ہوکر واپس آئیں۔

اظہر محمود کا کہنا تھا کہ انگلینڈ نے ہمیں پہلے ٹیسٹ میچ میں دباؤ میں رکھا، اگرہم اسپن بولرز کے ساتھ جاتے ہیں تو انگلینڈ کو آؤٹ کرسکتے ہیں۔

خیال رہے کہ پاکستان نے انگلینڈ کے خلاف دوسرے ٹیسٹ کے لیے پلیئنگ الیون کا اعلان کردیا ہے جس میں 3 اسپنرز کو شامل کیا گیا ہے۔

اس میچ میں بابر اعظم اعظم، شاہین آفریدی، نسیم شاہ اور ابرار احمد کو ڈراپ کیا گیا ہے جب کہ ان کی جگہ کامران غلام، نعمان علی، ساجد خان اور زاہد محمود کو شامل کیا گیا ہے۔

علاوہ ازیں پلیئنگ الیون میں شان مسعود (کپتان)، عامر جمال، صائم ایوب، عبداللہ شفیق، سعود شکیل، محمد رضوان اور سلمان علی آغا شامل ہیں۔