محسن نقوی نے فخر زمان کو اسکواڈ میں شامل نہ کرنے کی وجہ بتادی

ویب ڈیسک

30th Oct, 2024. 07:22 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

محسن نقوی نے فخر زمان کو اسکواڈ میں شامل نہ کرنے کی وجہ بتادی

چیئرمین پی سی بی محسن نقوی نے قومی بیٹر فخر زمان کو اسکواڈ میں شامل نہ کرنے کی وجہ بتادی۔

چیئرمین پی سی بی محسن نقوی نے کراچی میں میڈیا سے گفتگو کرتے ہوئے قومی سلیکشن کمیٹی پر مکمل اعتماد کا اظہار کیا ہے۔

فخرزمان کے مستقبل کے حوالے سے سوال پر انہوں نے کہا ’’قومی سلیکشن کمیٹی کو اسکواڈ کے فیصلوں پر مکمل اختیار حاصل ہے اور وہی فیصلہ کرے گی کہ ٹیم میں کس کو شامل کیا جائے یا نہیں‘‘۔

خیال رہے کہ قومی ٹیم کے جارحانہ بلے باز فخر زمان کو دورہ آسٹریلیا اور زمبابوے کے لیے قومی ٹیم سے باہر رکھا گیا ہے جب کہ انہیں سینٹرل کنٹریکٹ کا حصہ بھی نہیں بنایا گیا ہے۔

علاوہ ازیں چیئرمین پی سی بی نے چیمپئنز ٹرافی کے حوالے سے پاکستان کی تیاریوں پر روشنی ڈالتے ہوئے بتایا ’’انشاء اللہ پاکستان چیمپئنز ٹرافی کی مکمل میزبانی کرے گا اور تمام ٹیمیں یہاں شرکت کریں گی‘‘۔

اسٹیڈیمز کی تزئین و آرائش کے حوالے سے انہوں نے بتایا ’’کراچی اسٹیڈیم کا کام 15 دسمبر تک مکمل ہوجانا چاہیے تھا لیکن اب اس کام کو ختم ہونے میں مزید دو سے تین ہفتے لگ سکتے ہیں‘‘۔

کوچنگ میں حالیہ تبدیلیوں پر انہوں نے کہا ’’پی سی بی کی جانب سے بغیر کسی معاہدے کی خلاف ورزی کے سابق کوچ گیری گرسٹن نے استعفیٰ دیا تاہم نئے کوچ کے لیے بات چیت جاری ہے‘‘۔