عاقب جاوید سے متعلق محمد رضوان کا بیان سامنے آگیا

ویب ڈیسک

29th Oct, 2024. 08:41 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عاقب جاوید سے متعلق محمد رضوان کا بیان سامنے آگیا

کراچی: قومی کرکٹ ٹیم کے سلیکٹر عاقب جاوید سے متعلق کپتان محمد رضوان کا بیان سامنے آگیا۔

پاکستان کی وائٹ بال کرکٹ ٹیم کے کپتان محمد رضوان نے دورہ آسٹریلیا کے لیے روانگی سے قبل کراچی میں میڈیا سے گفتگو کرتے ہوئے کہا کہ نوجوان اورسینئر کھلاڑیوں کا کمبی نیشن بنایا ہے۔

محمد رضوان کے مطابق چیمپئنزکپ سےکچھ کھلاڑی ٹیم میں لیے ہیں، فخرزمان اور امام الحق اچھے پلیئرز ہیں جن کی کمی ہمیں محسوس ہوگی۔

ان کا کہنا ہے کہ عاقب جاوید کے فیصلے ان کے حق میں گئے ہیں، انہوں نے اسٹیپ لیا اور پچز ایسی بنیں جب کہ آسٹریلیا کی پچز ٹف ہیں لیکن لڑکوں پر محنت کریں گے۔

قومی ٹیم کے کپتان کہتے ہیں کہ کچھ فیصلے ہمارے نہیں بلکہ سلیکشن کمیٹی کے ہوتے ہیں اور مجھے فیصلوں کے حوالے سے نہیں معلوم لیکن پلیئرز اور کوچز کے حوالے سے رائے دے سکتا ہوں۔

خیال رہے کہ دورہ آسٹریلیا کے لیے پاکستان اسکواڈ کے ارکان کا دوسرا دستہ منگل کو کراچی سے براستہ دبئی آسٹریلیا روانہ ہوگا۔

دوسرے دستے میں کپتان محمد رضوان، صائم ایوب، سلمان علی آغا، عامر جمال، عبداللہ شفیق، عرفات منہاس، حسیب اللہ اور کامران غلام شامل ہیں۔

بابر اعظم، شاہین آفریدی اور حارث رؤف سمیت پاکستان اسکواڈ کے سات ارکان پہلے ہی آسٹریلیا روانہ ہوچکے ہیں جب کہ ٹیم مینجمنٹ کے ارکان بھی آسٹریلیا روانہ ہوں گے۔