محمد رضوان بطور کپتان ذمہ داری نبھانے کے لیے پرعزم

ویب ڈیسک

28th Oct, 2024. 06:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

محمد رضوان بطور کپتان ذمہ داری نبھانے کے لیے پرعزم

پاکستان وائٹ بال ٹیم کے کپتان محمد رضوان نئی ذمہ داریاں نبھانے کے لیے پرعزم ہیں۔

قومی وائٹ بال ٹیم کے کپتان محمد رضوان نے پی سی بی ڈیجیٹل میڈیا سے گفتگو کرتے ہوئے کہا کہ پاکستان کی کپتانی اعزاز اور چیلنج ہے۔

محمد رضوان نے کہا کہ کبھی بھی کپتانی کی خواہش ظاہر نہیں کی، یہ ذمہ داری اچھی طرح نبھاؤں گا، کپتان کی خصوصیت یہ ہے کہ وہ ٹیم کو اکٹھا رکھے۔

ان کا کہنا تھا کہ اس ٹیم میں ینگ ٹیلنٹ موجود ہے اور یہ ایک مختلف ٹیم نظر آئے گی، آسٹریلیا میں ہمیشہ مشکل رہی ہے لیکن آخری ٹیسٹ سیریز ہم قریب جاکر ہارے تھے۔

کپتان کہتے ہیں کہ ضروری نہیں کہ اگر ماضی میں نہیں جیتے تو آئندہ بھی نہ جیت سکیں، ہم اس جذبے کے ساتھ جارہے ہیں کہ مقابلہ کرنا ہے اور لڑنا ہے جب کہ میرا وژن ہے کہ بیک اپ میں پاکستان کا کپتان تیار رہے۔

واضح رہے کہ پی سی بی نے بابر اعظم کے مستعفی ہونے کے بعد محمد رضوان کو دورہ آسٹریلیا اور زمبابوے کے لیے قومی ٹیم کا کپتان مقرر کیا ہے۔