چیمپئنز ٹرافی 2025؛ آئی سی سی پی سی بی کی تیاریوں سے مطمئن

ویب ڈیسک

22nd Oct, 2024. 02:39 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

چیمپئنز ٹرافی 2025؛ آئی سی سی پی سی بی کی تیاریوں سے مطمئن

انٹرنیشنل کرکٹ کونسل (آئی سی سی) کی جانب سے چیمپئنز ٹرافی 2025 کے لیے پی سی بی کی تیاریوں پر اطمینان کا اظہار کیا گیا ہے۔

پاکستان کرکٹ بورڈ کے چیئرمین محسن نقوی کی جانب سے آئی سی سی بورڈ ممبران کو یقین دہانی کروائی گئی ہے کہ تینوں مجوزہ مقامات پر تزئین و آرائش کا کام ٹورنامنٹ شروع ہونے سے قبل ہی مکمل کرلیا جائے گا۔

محسن نقوی کی جانب سے آئی سی سی کے اراکین کو پاکستان کو دورہ کرنے اور چیمپئنز ٹرافی کی تیاریوں کا ذاتی طور پر جائزہ لینے کی بھی دعوت دی گئی ہے جب کہ آئی سی سی نے چیمپئنز ٹرافی کی تیاریوں پر اطمینان کا اظہار کیا ہے۔

خیال رہے کہ چیمپئنز ٹرافی 2025 میں 8 ٹیمیں شامل ہوں گی جب کہ پاکستان کو گروپ اے میں رکھا گیا ہے جس میں بھارت، بنگلادیش اور نیوزی لینڈ کی ٹیمیں بھی شامل ہوں گی۔

گروپ بی میں انگلینڈ، جنوبی افریقہ، آسٹریلیا اور افغانستان کی ٹیموں کو شامل کیا گیا ہے، ایونٹ کے میچز کراچی، لاہور اور راولپنڈی میں منعقد ہوں گے۔

فائنل سمیت 7 میچز لاہور میں ہوں گے، کراچی میں ٹورنامنٹ کا افتتاحی میچ اور ایک سیمی فائنل کھیلا جائے گا جب کہ دوسرے سیمی فائنل سمیت پانچ میچز کی میزبانی راولپنڈی کرے گا۔