ایمرجنگ ٹی ٹوئنٹی ایشیاکپ؛ پاکستان نے سیمی فائنل تک رسائی حاصل کرلی

ویب ڈیسک

23rd Oct, 2024. 07:19 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

ایمرجنگ ٹی ٹوئنٹی ایشیاکپ؛ پاکستان نے سیمی فائنل تک رسائی حاصل کرلی
ایشیا کپ، پاکستان کی شاندار واپسی، بنگلا دیش کو ہرا کر فائنل میں جگہ بنا لی
صاحبزادہ فرحان اور دھونی کے اسٹائل میں مماثلت، مگر اعترض کیوں؟ گن سیلیبریشن اورکون کون کرچکا؟
بھارتیوں کو پھر مرچیں لگ گئیں، رونالڈو نے بھی حارث رؤف کے انداز میں رافیل گرایا، ویڈیو وائرل

Now Reading:

ایمرجنگ ٹی ٹوئنٹی ایشیاکپ؛ پاکستان نے سیمی فائنل تک رسائی حاصل کرلی

عمان: پاکستان شاہینز نے ایمرجنگ ٹی ٹوئنٹی ایشیاکپ کے سیمی فائنل تک رسائی حاصل کرلی۔

ایمرجنگ ٹی ٹوئنٹی ایشیاکپ کے میچز عمان میں جاری ہیں جس کے گروپ مرحلے کے تیسرے میچ میں پاکستان شاہینز نے یو اے ای کو شکست دے کر سیمی فائنل تک رسائی حاصل کرلی ہے۔

پاکستان شاہینز نے ٹاس جیت کر پہلے بیٹنگ کا فیصلہ کیا اور مقررہ 20 اوورز میں 4 وکٹوں کے نقصان پر 179 رنز اسکور کیے۔

پاکستان شاہینز کی جانب سے کپتان محمد حارث نے جارحانہ بلے بازی کا مظاہرہ کرتے ہوئے 49 گیندوں پر 3 چھکے اور 6 چوکوں کی بدولت 71 رنز کی ناقابل شکست اننگز کھیلی۔

علاوہ ازیں عبدالصمد 1، عمیر یوسف 21، قاسم اکرم 23 اور یاسر خان 25 رنز بناکر آؤٹ ہوئے جب کہ حیدر علی 32 رنز بناکر ناٹ آؤٹ رہے۔

یو اے ای کی جانب سے محمد فاروق نے 3 کھلاڑیوں کو آؤٹ کیا جب کہ ہدف کے تعاقب میں یو اے ای کی پوری ٹیم صرف 65 رنز پر ہی ڈھیر ہوگئی۔

پاکستانی فاسٹ بولر شاہ نواز دھانی نے عمدہ گیند بازی کا مظاہرہ کرتے ہوئے 5 وکٹیں حاصل کیں جب کہ سفیان مقیم نے 2 کھلاڑیوں کو آؤٹ کیا۔ احمد دانیال، عباس آفریدی اور عرفات منہاس کے حصے میں ایک ایک وکٹ آئی۔