پاکستان بمقابلہ انگلینڈ؛ فیصلہ کن ٹیسٹ میچ میں شائقین کرکٹ کے لیے بڑی خوش خبری

ویب ڈیسک

21st Oct, 2024. 07:12 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان بمقابلہ انگلینڈ؛ فیصلہ کن ٹیسٹ میچ میں شائقین کرکٹ کے لیے بڑی خوش خبری

راولپنڈی: پاکستان اور انگلینڈ کے درمیان کھیلے جانے والے تیسرے ٹیسٹ میچ میں شائقین کرکٹ کے لیے بڑی خوش خبری سامنے آگئی۔

پاکستان اور انگلینڈ کی ٹیموں کے درمیان راولپنڈی میں کھیلے جانے والے تیسرے ٹیسٹ میچ کے لیے پی سی بی نے ٹکٹوں کی فروخت کا اعلان کردیا۔

پی سی بی کی جانب سے جاری کردہ اعلامیے کے مطابق راولپنڈی ٹیسٹ کے پہلے روز پریمیئر انکلوژرز میں داخلہ مفت ہوگا جب کہ دوسرے روز پریمیئر انکلوژرز کی ٹکٹ کی قیمت 200 روپے مقرر کی گئی ہے۔

پی سی بی کا کہنا ہے کہ وی آئی پی انکلوژرز کے ٹکٹ کی قیمت 400 روپے اور وی وی آئی پی گیلری کے ٹکٹ کی قیمت 2 ہزار روپے ہوگی۔

پی سی بی نے بتایا کہ تیسرے ٹیسٹ کے آخری 3 روز پریمیئر انکلوژرز کی ٹکٹ کی قیمت 300 روپے، وی آئی پی انکلوژرز کی 500 روپے اور وی وی آئی پی گیلری کی ٹکٹ 2500 روپے ہوگی۔

پی سی بی نے مزید بتایا کہ راولپنڈی ٹیسٹ کے لیے ٹکٹوں کی خریداری کوریئر کمپنی کے سینٹر سے یا آن لائن بھی کی جاسکتی ہے۔

یاد رہے کہ پاکستان اور انگلینڈ کے درمیان تیسرا ٹیسٹ میچ 24 اکتوبر سے راولپنڈی میں شروع ہوگا، تین ٹیسٹ میچوں کی سیریز ایک ایک سے برابر ہے۔

پہلے ٹیسٹ میں انگلینڈ نے پاکستان کو شکست دی تھی جب کہ دوسرے ٹیسٹ میں میزبان نے مہمان کو ہرایا تھا۔