میلبرن: پہلے ون ڈے میں آسٹریلیا نے سنسنی خیز مقابلے کے بعد پاکستان کو 2 وکٹوں سے شکست دے دی۔

پاکستان اور آسٹریلیا کی ٹیموں کے درمیان تین ون ڈے میچز پر مشتمل سیریز کا پہلا میچ میلبرن کے کرکٹ گراؤنڈ میں کھیلا گیا جس میں میزبان ٹیم آسٹریلیا نے ٹاس جیت کر فیلڈنگ کا فیصلہ کیا۔

پاکستان نے پہلے بیٹنگ کرتے ہوئے 204 رنز کا ہدف دیا جس کے جواب میں پاکستانی بولرز کی عمدہ کارکردگی کے باعث آسٹریلوی بلے باز مشکلات کا شکار دکھائی دیے۔

تاہم آسٹریلیا نے 33.3 اوورز میں 8 وکٹوں کے نقصان پر ہدف حاصل کرکے سیریز میں 1-0 کی برتری حاصل کرلی۔

آسٹریلیا کی بیٹنگ

جوش انگلز 49 رنز کے ساتھ ٹاپ اسکورر رہے، اسٹیو اسمتھ 44، مارنس لبوشین 16، جیک فریزر 16، ٓرون ہارڈی 10، سین ایبٹ 13، میتھیو شارٹ 1 اور گلین میکسویل صفر پر آؤٹ ہوئے۔

پیٹ کمنز 32 اور مچل اسٹارک 2 رنز کے ساتھ ناٹ آؤٹ رہے جب کہ پاکستان کی جانب سے حارث رؤف نے 3 وکٹیں حاصل کیں، شاہین آفریدی کے حصے میں 2 وکٹیں آئیں جب کہ نسیم شاہ اور محمد حسنین نے ایک ایک کھلاڑی کو آؤٹ کیا۔

پاکستان کی بیٹنگ

اس سے قبل قومی ٹیم 46.4 اوورز میں 203 رنز پر ڈھیر ہوگئی، کپتان محمد رضوان 44 بناکر نمایاں بلے باز رہے جب کہ نسیم شاہ 40 اور بابر اعظم 37 رنز بناکر آؤٹ ہوئے۔

علاوہ ازیں شاہین آفریدی 24، عرفان خان 22، سلمان آغا 12، عبداللہ شفیق 12، کامران غلام 5، صائم ایوب 1 اور حارث رؤف صفر پر آؤٹ ہوئے جب کہ محمد حسنین 2 رنز بناکر ناٹ آؤٹ رہے۔

آسٹریلیا کی جانب سے مشل اسٹارک نے 3 کھلاڑیوں کو آؤٹ کیا، پیٹ کمنز اور ایڈم زمپا نے 2،2 وکٹیں حاصل کیں جب کہ سین ایبٹ اور مارنس لبوشین کے حصے میں ایک ایک وکٹ آئی۔

پاکستان پلیئنگ الیون

محمد رضوان (کپتان)، صائم ایوب، عبداللہ شفیق، بابر اعظم، کامران غلام، سلمان آغا، عرفان خان، شاہین شاہ آفریدی، حارث رؤف، نسیم شاہ اور محمد حسنین۔

آسٹریلیا پلیئنگ الیون

پیٹ کمنز (کپتان)، میتھیو شارٹ، جیک فریزر، اسٹیون اسمتھ، جوش انگلز، مارنس لبوشین، گلین میکسویل، آرون ہارڈی، سین ایبٹ، مچل اسٹارک اور ایڈم زمپا۔