لاہور: چیمپئنز ٹی ٹوئنٹی کپ کے لیے پانچوں مینٹورز نے اپنے عارضی اسکواڈز کا اعلان کر دیا ہے۔

چیمپئنز ٹی ٹوئنٹی کپ 7 دسمبر سے 25 دسمبر تک راولپنڈی میں کھیلا جائے گا، پاکستان کرکٹ بورڈ کے مطابق جنوبی افریقہ کے ساتھ سیریز کے لیے پاکستان ٹیم کا اعلان ہونے کے بعد چیمپئنز ٹی ٹوئنٹی کپ کے فائنل اسکواڈز کو حتمی شکل دی جائے گی۔

عارضی اسکواڈز میں وہ کھلاڑی شامل نہیں کیے گئے ہیں جو اس وقت سینٹرل کنٹریکٹ کی حامل ہیں یا جو زمبابوے کے دورے پر موجود ہیں۔

ان کھلاڑیوں کی عدم موجودگی کے باوجود عارضی اسکواڈز میں منتخب کھلاڑیوں کی ایک مضبوط ٹیم بنائی گئی ہے۔

چیمپئنز ٹی ٹوئنٹی کپ میں پانچ مختلف ٹیموں کی جانب سے مینٹورز نے اپنے اسکواڈز کا انتخاب کیا ہے اور اس ٹورنامنٹ میں کئی دلچسپ مقابلے دیکھنے کو ملیں گے۔

خیال رہے کہ چیمپئنز ٹی ٹوئینٹی کپ کے لیے ٹیموں کے کیمپ 26 نومبر سے شروع ہو جائیں گے جس میں تمام ٹیموں کے مینٹورز اپنے کھلاڑیوں کے ساتھ کام کریں گے۔

ایونٹ کے دوران قائد اعظم ٹرافی کے میچز روک دیئے جائیں گے، قائد اعظم ٹرافی کا ٹرائینگولر سیریز کا مرحلہ چیمپئنز ٹی ٹوئنٹی کپ کے دوران شیڈول تھا۔