نعمان علی ویسٹ انڈیز کے خلاف ٹیسٹ سیریز جیتنے کے لیے پُرامید

ویب ڈیسک

15th Jan, 2025. 05:33 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نعمان علی ویسٹ انڈیز کے خلاف ٹیسٹ سیریز جیتنے کے لیے پُرامید

ملتان: قومی کھلاڑی نعمان علی ویسٹ انڈیز کے خلاف ٹیسٹ سیریز جیتنے کے لیے پُرامید ہیں۔

پاکستان کے تجربہ کار اسپنر نعمان علی نے ملتان اسٹیڈیم میں میڈیا سے گفتگو کرتے ہوئے کہا کہ ملتان میں انگلینڈ کے خلاف اچھی پرفارمنس رہی۔

انہوں نے کہا کہ جنوبی افریقہ میں صورت حال کے مطابق ٹیم مینجمنٹ نے فیصلہ کیا اور موقع نہیں ملا تاہم اب ہماری تیاری مکمل ہے اور بھرپور کوشش کریں گے۔

نعمان علی کا کہنا تھا کہ جتنا فٹ رہا پوری کوشش کروں گا کہ کھیلوں، آگے کرکٹ بہت زیادہ ہے جس کے باعث کچھ پلیئرز کو ریسٹ بھی دیا گیا ہے۔

تجربہ کار اسپنر نے مزید کہا کہ میچ شروع ہونے کے بعد ہی پچ کا پتا چلے گا، وائٹ بال زیادہ کرکٹ ہے اور آنے والی سیریز کے لئے تیاری زیادہ سے زیادہ کریں گے۔

واضح رہے کہ پاکستان اور ویسٹ انڈیز کی ٹیموں کے درمیان دو ٹیسٹ میچز پر مشتمل سیریز کا آغاز 17 جنوری سے ہونے جارہا ہے۔

پہلا میچ 17 سے 21 جنوری کے دوران کھیلا جائے گا جب کہ دوسرا ٹیسٹ 25 جنوری سے شروع ہوگا جو 29 جنوری تک جاری رہے گا۔