چمپئنز ٹرافی کی رنگارنگ افتتاحی تقریب کب ہوگی؟ تاریخ سامنے آگئی

ویب ڈیسک

15th Jan, 2025. 03:37 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

چمپئنز ٹرافی کی رنگارنگ افتتاحی تقریب کب ہوگی؟ تاریخ سامنے آگئی

لاہور: آئی سی سی چمپئنز ٹرافی کی افتتاحی تقریب 16 یا 17 فروری کو پاکستان میں کرائے جانے کا امکان ہے۔

ذرائع کے مطابق آئی سی سی چمپئنز ٹرافی 2025 کی رنگا رنگ افتتاحی تقریب 16 یا 17 فروری کو پاکستان میں ہی کرائی جائے گا جب کہ افتتاحی تقریب میں تمام ٹیمیں اور ان کے کپتان شرکت کریں گے۔

ذرائع نے بتایا کہ افتتاحی تقریب میں تمام 8 ٹیموں کے کپتان پریس کانفرنس بھی کریں گے تاہم چیمپننز ٹرافی کی افتتاحی تقریب کا وینیو تاحال فائنل نہیں ہوا ہے۔

ذرائع کا کہنا ہے کہ پی سی بی نے ابتدائی پلان سے متعلق آئی سی سی کو آگاہ کردیا ہے اور آئی سی سی پلان پر نظرثانی کے بعد ہی حتمی فیصلہ کرے گا۔

ذرائع نے مزید کہا کہ پی سی بی تمام ٹیموں اور ان کے کپتانوں کے ویزے جاری کروائے گا۔ کمرشل پارٹنرز، آئی سی سی آفیشلز اور میڈیا کے ویزوں کے اجراء میں بھی پی سی بی مدد کرے گا۔

یاد رہے کہ گزشتہ ہفتے بھی پی سی بی نے آئی سی سی آفیشلز کے ویزوں کا بندوبست کروایا تھا جب کہ آئی سی سی وفد نے لاہور، کراچی اور راولپنڈی کا دورہ کیا تھا۔

واضح رہے کہ آئی سی سی چمپئنز ٹرافی 19 فروری سے شروع ہونے جارہی ہے جس میں پہلا میچ پاکستان اور نیوزی لینڈ کی ٹیموں کے درمیان کراچی میں کھیلا جائے گا۔