چیمپئنز ٹرافی کی تیاریوں کے سلسلے میں کل اجلاس طلب

افضال عباسی

03rd Jan, 2025. 04:21 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

چیمپئنز ٹرافی کی تیاریوں کے سلسلے میں کل اجلاس طلب

لاہور: چیئرمین پی سی بی محسن نقوی کی زیر صدارت چیمپئنز ٹرافی کی تیاریوں کے سلسلے میں کل اجلاس طلب کیا گیا ہے۔

ذرائع کے مطابق چیئرمین پی سی بی محسن نقوی کی زیر صدارت کل اہم اجلاس ہوگا، اجلاس میں چیف آپریٹنگ آفیسر پی سی بی سمیر احمد سید، چیف ایگزیکٹو آفیسر پی ایس ایل سلمان نصیر سمیت تمام ڈیپارٹمنٹس کے ڈائریکٹرز شریک ہوں گے۔

ذرائع نے بتایا کہ اجلاس میں چیمپئنز ٹرافی 2025 کے حوالے سے اہم فیصلے کیے جائیں گے، اجلاس میں پی ایس ایل سیزن 10 کی پلیئرز ڈرافٹنگ سمیت دیگر اہم ایشوز بھی زیر غور ہوں گے۔

ذرائع کا کہنا ہے کہ اجلاس میں چیمپئنز ٹرافی 2025 کی تیاریوں کے لیے کمیٹیاں بھی تشکیل دی جائیں گی۔

ذرائع نے کہا کہ آئی سی سی کی جانب سے پی سی بی کے چیف آپریٹنگ افیسر سمیر احمد سید کو چیمپئنز ٹرافی 2025 کا ڈائریکٹر ٹورنامنٹ مقرر کیا گیا ہے۔

ذرائع نے مزید بتایا کہ چیمپئنز ٹرافی 2025 کے لیے آئی سی سی بھی رواں ماہ لاہور میں اپنا سب آفس قائم کرے گا جب کہ اجلاس میں آئی سی سی کے آفس کے حوالے سے بھی مشاورت کی جائے گی۔