ویسٹ انڈیز کے کھلاڑی بھی قومی بولرز کی کارکردگی کے معترف

ویب ڈیسک

18th Jan, 2025. 08:13 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ویسٹ انڈیز کے کھلاڑی بھی قومی بولرز کی کارکردگی کے معترف

ملتان: ویسٹ انڈیز کے اسپنر جومیل وریکن بھی قومی بولرز کی کارکردگی کے معترف ہوگئے۔

ویسٹ انڈیز کے اسپنر جومیل وریکن نے ملتان ٹیسٹ کے دوسرے روز کے کھیل کے اختتام پر پریس کانفرس کرتے ہوئے کہا کہ ہم اس کنڈیشن پر 250 سے زائد رنز بنانا چاہتے تھے۔

جومیل وریکن کا کہنا ہے کہ میں اپنی بیٹنگ کو انجوائے کرتا ہوں جب کہ کبھی بیٹنگ میں ایسا موقع نہیں ملا، کوشش ہوتی ہے کہ اپنا کام پورا کروں۔

انہوں نے قومی بولرز کی تعریف کرتے ہوئے کہا کہ پاکستانی بولرز نے بڑی شاندار باولنگ کی جب کہ پاکستان کے بیٹرز بیٹنگ کے دوران زیادہ متحرک نظر آئے۔

ویسٹ انڈیز کے اسپنر مزید کہتے ہیں کہ پاکستانی بلے بازوں نے ہمارے بولرز پر پریشر ڈالا، جیڈن سیلز نے پہلی اننگز میں بڑی اچھی بولنگ کی۔

یاد رہے کہ پاکستان اور ویسٹ انڈیز کے درمیان ملتان میں پہلا ٹیسٹ میچ جاری ہے جس کی پہلی اننگز میں پاکستان نے 230 رنز بنائے تھے جب کہ ساجد خان اور نعمان علی کی تباہ کن بولنگ نے ویسٹ انڈیز کی ٹیم کو پہلی اننگز میں 137 پر ہی ڈھیر کردیا۔

اسپنر ساجد خان نے 4 کھلاڑیوں کا شکار کیا جب کہ نعمان علی نے 5 کھلاڑیوں کو آؤٹ کیا اور ایک وکٹ ابرار احمد کے حصے میں آئی۔