چیمپئنز ٹرافی 2025 کے چھٹے میچ میں نیوزی لینڈ نے بنگلہ دیش کو 5 وکٹوں سے شکست دے کر سیمی فائنل میں جگہ بنا لی۔

نیوزی لینڈ نے بنگلہ دیش کا 236 رنز کا ہدف 46.1 اوورز میں 5 وکٹوں کے نقصان پر حاصل کر کے فائنل فور میں جگہ بنائی۔

اس میچ کے بعد پاکستان بھی ایونٹ سے باہر ہو گیا ہے، پاکستان کا بنگلہ دیش سے میچ محض ایک رسمی کارروائی بن کر رہ گیا ہے۔

نیوزی لینڈ کی فتح میں راچن رویندرا کا اہم کردار تھا جنہوں نے 105 گیندوں پر 112 رنز کی شاندار اننگز کھیلی۔

ڈیون کونوے نے 30 رنز بنائے، ٹام لیتھم 55 اور گلین فلپس نے 21 رنز بنائے۔

بنگلہ دیش کی جانب سے تسکین احمد، ناحید رانا، مستفیض الرحان اور رشاد حسین نے ایک، ایک کھلاڑی کو آأٹ کیا۔

راولپنڈی کرکٹ اسٹیڈیم میں کھیلے جانے والے میچ میں نیوزی لینڈ نے ٹاس جیت کر پہلے فیلڈنگ کا فیصلہ کیا، بنگلہ دیش کی ٹیم نے مقررہ 50 اوورز میں 9 وکٹوں کے نقصان پر 236 رنز بنائے۔

بنگلہ دیش کے بیٹر تنزید حسن نے 24 رنز بنائے، نجم الحسن شانٹو نے شاندار 77 رنز کی اننگز کھیلی۔

مہدی حسن کے بلے سے صرف 13 رنز آئے، توحید نے 7، مشفق الرحیم 2، محموداللہ 4 رنز بنا سکے۔

رشاد حسین نے 26 رنز بنائے، جبکہ جاکر علی 45 رنز بنا کر رن آؤٹ ہوئے، تسکین احمد نے 10 رنز بنائے۔

نیوزی لینڈ کی جانب سے مائیکل بریسویل نے 4 کھلاڑیوں کو آؤٹ کیا، ول اورورکی نے 2 کھلاڑیوں کو آؤٹ کیا، جبکہ میٹ ہینری اور کائل جیمیسن کے حصے میں ایک، ایک وکٹ آئی۔

بنگلا دیش کے کپتان نجم الحسن شانتو نے کہا کہ ٹاس جیتتے تو فیلڈنگ کرتے، ٹیم میں 2 تبدیلیاں کی ہیں۔

بنگلا دیش کو اپنے پہلے میچ میں بھارت کے ہاتھوں شکست کا سامنا کرنا پڑا تھا جبکہ نیوزی لینڈ نے ابتدائی میچ میں میزبان پاکستان کو شکست دی تھی۔