ٹرائنگولر سیریز، نیوزی لینڈ کرکٹ ٹیم کی پاکستان آمد، سیکیورٹی کے سخت انتظامات

ویب ڈیسک

06th Feb, 2025. 08:06 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ٹرائنگولر سیریز، نیوزی لینڈ کرکٹ ٹیم کی پاکستان آمد، سیکیورٹی کے سخت انتظامات

نیوزی لینڈ کرکٹ ٹیم پاکستان پہنچ گئی ہے اور ٹرائنگولر سیریز میں شرکت کے لیے لاہور پہنچنے کے بعد ٹیم نے بدھ کے روز آرام کیا۔

جبکہ آج سے کیوی ٹیم نے پریکٹس سیشن میں حصہ لیا۔ اس موقع پر سیکیورٹی کے سخت انتظامات کیے گئے تھے تاکہ ٹیم کی حفاظت کو یقینی بنایا جا سکے۔

پاکستان، نیوزی لینڈ اور جنوبی افریقہ کے درمیان ون ڈے ٹرائنگولر سیریز 8 سے 14 فروری تک سنگل لیگ فارمیٹ کے تحت کھیلی جائے گی۔

سیریز کے ابتدائی دو میچز لاہور کے قذافی اسٹیڈیم میں کھیلے جائیں گے، جبکہ تیسرا لیگ میچ اور فائنل کراچی کے نیشنل اسٹیڈیم میں کھیلا جائے گا۔

ٹرائنگولر سیریز کا پہلا میچ پاکستان اور نیوزی لینڈ کے درمیان کھیلا جائے گا۔ اس سیریز کو تینوں ٹیمیں چیمپئنز ٹرافی کی تیاریوں کے طور پر استعمال کریں گی، جہاں کھلاڑی اپنی فارم کو مزید بہتر بنانے کی کوشش کریں گے۔