نیوزی لینڈ نے جنوبی افریقا کو 6 وکٹوں سے شکست دے کر ٹرائی سیریز کے فائنل میں جگہ بنا لی۔

لاہور کے قذافی اسٹیڈیم میں کھیلے جانے والے میچ میں نیوزی لینڈ نے جنوبی افریقا کا 304 رنز کا ہدف 48.4 اوورز میں 4 وکٹوں کے نقصان پر حاصل کر لیا۔

نیوزی لینڈ نے ٹاس جیت کر پہلے فیلڈنگ کا فیصلہ کیا، جنوبی افریقا نے پہلے بیٹنگ کرتے ہوئے مقررہ 50 اوورز میں 6 وکٹوں کے نقصان پر 304 رنز بنائے۔

پروٹیز کی جانب سے میتھیو بریٹکی نے شاندار 150 رنز کی اننگ کھیلی، ٹیمبا باؤما 20 رنز بنا سکے، جیسن اسمتھ نے 41 رنز بنائے، ویان ملڈر 64 رنز کی اننگ کھیلی۔

نیوزی لینڈ کی جانب سے میٹ ہینری اور ول رورکی نے 2،2 کھلاڑیوں کو آؤٹ کیا، جبکہ مچل بریسویل نے ایک وکٹ حاصل کی۔

ہدف کے تعاقب میں نیوزی لینڈ کے اوپنر 19 رنز بنا سکے، جبکہ ڈیون کونوے 97 رنز کی شاندار اننگ کھیل کر آؤٹ ہوئے۔

کپتان ولیمسن نے 133 رنز ناقابل شکست اننگ کھیل کر کیویز کی فتح میں اہم کردار ادا کیا، ڈیری مچل نے 10 اور گلین فلپس نے 28 رنز بنائے۔

پروٹیز کی جانب سے سینوران نے 2 جبکہ جونیئر ڈالا اور ایتھان بوش نے ایک، ایک کھلاڑی کو آؤٹ کیا۔

نیوزی لینڈ نے ٹرائی نیشن سیریز میں اپنے دونوں میچ جیت کر فائنل میں جگہ بنا لی ہے۔