کراچی کنگز کا پی ایس ایل 10 کے لیے کوچنگ پینل کا اعلان
کراچی: پاکستان سپر لیگ (پی ایس ایل) 10 کے لیے کراچی کنگز نے اپنے کوچنگ اسٹاف میں اہم تقرریاں کردیں۔
فرنچائز کے مطابق انگلش آل راؤنڈر روی بوپارہ کو ٹیم کا نیا ہیڈ کوچ مقرر کیا گیا ہے جب کہ محمد مسرور کو ہائی پرفارمنس کوچ کی ذمہ داری سونپی گئیں ہیں۔
روی بوپارہ 2016 سے 2019 تک کراچی کنگز کے اسکواڈ کا حصہ رہے اور 2023 میں بیٹنگ کوچ جبکہ 2024 میں اسسٹنٹ کوچ کی حیثیت سے خدمات انجام دیں۔
دوسری جانب محمد مسرور کئی سالوں سے کراچی کنگز کے ساتھ وابستہ رہے ہیں اور فیلڈنگ کوچ کے علاوہ اسسٹنٹ کوچ کے طور پر بھی کام کرچکے ہیں۔
کراچی کنگز نے سابق ہیڈ کوچ فل سمنز کی خدمات کا اعتراف کرتے ہوئے ان کا شکریہ بھی ادا کیا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
