لاہور: آئی سی سی ویمنز کوالیفائر کی تیاریوں کے سلسلے میں قومی ویمنز کرکٹ ٹیم کی کھلاڑیوں کے درمیان پریکٹس میچ کھیلا گیا جس میں ٹیم بلیو نے ٹیم گرین کو 125 رنز سے شکست دے دی۔
لاہور میں غنی انسٹی ٹیوٹ گراؤنڈ میں کھیلے گئے پریکٹس میچ میں ٹیم بلیو نے ٹاس جیت کر پہلے بیٹنگ کا فیصلہ کیا اور 46 اوورز میں 246 رنز بنائے۔
سدرہ نواز نے 74، شوال ذوالفقار نے 42، گل رخ نے 39 اور امیمہ سہیل نے 37 رنز کی اننگز کھیلی۔
ٹیم گرین کی جانب سے سعدیہ اقبال نے 48 رنز کے عوض 3 کھلاڑیوں کو آؤٹ کیا جب کہ ڈیانا بیگ نے 42 رنز دے کر 2 وکٹیں حاصل کیں۔
جواب میں ٹیم گرین 121 رنز بنا کر آل آؤٹ ہوگئی۔ صدف شمس نے 28 اور گل فیروزہ نے 21 رنز اسکور کیے۔ ٹیم بلیو کی عروب شاہ نے 26 رنز دے کر 3 وکٹیں حاصل کیں جب کہ نشرہ سندھو نے 11 رنز دے کر 2 کھلاڑیوں کو آؤٹ کیا۔
Advertisement
واضح رہے کہ یہ میچ آئی سی سی کوالیفائر کی تیاریوں کا حصہ تھا جس میں کھلاڑیوں کی کارکردگی کو پرکھا گیا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
