آئی سی سی چیمپیئنز ٹرافی کی اختتام کے بعد ٹورنامنٹ کی “ٹیم آف دی ٹورنامنٹ” کا اعلان کر دیا گیا ہے۔

آئی سی سی کی جانب سے ٹورنامنٹ میں شریک 8 ٹیموں میں سے صرف 3 ٹیموں کے کھلاڑیوں کو شامل کیا گیا ہے۔

12 رکنی ٹیم آف دی ٹورنامنٹ میں بھارت کے 6، نیوزی لینڈ کے 4 اور افغانستان کے 2 کھلاڑیوں کو جگہ ملی۔

دلچسپ بات یہ ہے کہ جنوبی افریقا اور آسٹریلیا کی سیمی فائنلسٹ ٹیموں کا کوئی بھی کھلاڑی اس ٹیم میں شامل نہیں ہو سکا، جبکہ میزبان پاکستان کا بھی کوئی کھلاڑی ٹیم میں جگہ بنانے میں کامیاب نہیں ہو سکا۔

بھارت کے کھلاڑیوں میں ویرات کوہلی، شریاس ایئر، کے ایل راہول، محمد شامی اور ورون چکرورتی کو ٹیم آف دی ٹورنامنٹ میں شامل کیا گیا ہے۔

نیوزی لینڈ کے رچن روندرا، گلین فلپس، مچل سینٹنر اور میٹ ہینری بھی اس ٹیم کا حصہ بنے ہیں۔

افغانستان کے ابراہیم زدران اور عظمت اللہ عمرزئی نے بھی ٹیم میں جگہ بنائی۔

اس کے علاوہ، بھارت کے اکشر پٹیل کو ٹیم کا 12واں کھلاڑی منتخب کیا گیا ہے۔

آئی سی سی کی اس ٹیم آف دی ٹورنامنٹ کی تشکیل پر کرکٹ شائقین اور تجزیہ کاروں کی مختلف آراء ہیں، خاص طور پر پاکستان کے کھلاڑیوں کے غیر موجود ہونے پر تنقید کی جا رہی ہے۔