آئی سی سی چیمپئینز ٹرافی کے 11 ویں میچ میں جنوبی افریقا نے انگلینڈ کو 7 وکٹوں سے شکست دے کر سیمی فائنل کے لیے کوالیفائی کر لیا۔

پروٹیز نے انگلینڈ کا 179 رنز کا ہدف 29.1 اوورز میں 3 وکٹوں کے نقصان پر باآسانی حاصل کر لیا۔

جنوبی افریقا کی جانب سے ریان ریکیلٹن نے 27، رنز بنائے، جبکہ وین ڈیر ڈوسن نے ناقابل شکست 72 رنز کی اننگز کھیلی۔ ہینرچ کلاسن 64 رنز بنا کر آؤٹ ہوئے۔

انگلینڈ کی جانب سے جوفرا آرچر نے 2 اور عادل رشید نے 1 کھلاڑی کو آؤٹ کیا۔

آئی سی سی چیمپئنز ٹرافی 2025 گروپ بی سے آسٹریلیا اور جنوبی افریقا نے سیمی فائنل کے لیے کوالیفائی کر لیا ہے جبکہ گروپ اے سے بھارت اور نیوزی لینڈ پہلے ہی سیمی فائنل میں پہنچ چکے ہیں۔

پہلا سیمی فائنل 4 مارچ کو دبئی میں جبکہ دوسرا سیمی فائنل 5 مارچ کو قذافی اسٹیڈیم لاہور میں کھیلا جائے گا۔

نیشنل اسٹیڈیم کراچی میں کھیلے جارہے میچ میں انگلینڈ کا آغاز مایوسی کُن رہا، اوپنر فل سالٹ 8، بین ڈکٹ 24 اور جیمی اسمتھ صفر پر پویلین روانہ ہوگئے۔

چوتھی وکٹ کی شراکت میں جو روٹ اور ہیری بروک نے 60 رنز کی پارنٹرشپ قائم ہوئی تاہم بروک 19 رنز بناکر آؤٹ ہوگئے اور بعدازاں جو روٹ بھی 37 رنز بناکر وکٹ گنوابیٹھے۔

جوز بٹلر 21 ، جیمی اوورٹن 11 اور جوفرا آرچر نے 25 رن بنائے۔

جنوبی افریقا کی جانب سے مارکو جانسن اور مولڈر نے 3،3 اور  کیشو مہاراج نے 2 وکٹ حاصل کی۔

قبل ازیں انگلش ٹیم کے کپتان جوز بٹلر نے ٹاس جیت کر پہلے بیٹنگ کرنے کا فیصلہ کیا، انہوں نے کہا آج بطور کپتان کیرئیر کا آخری میچ ہے کوشش ہوگی فتح حاصل کریں۔

اس موقع پر جنوبی افریقا کے کپتان ایڈن مارکرم نے کہا کہ ہدف کا تعاقب کرنا چاہتے تھے، میچ میں فتح کیساتھ سیمی فائنل میں پہنچنے پر نگاہیں مرکوز ہیں۔

انگلینڈ کا اسکواڈ:

کپتان جوز بٹلر، فل سالٹ، بین ڈکٹ، جیمی اسمتھ، جو روٹ، ہیری بروک، لیام لیونگسٹون، جیمی اوورٹن، جوفرا آرچر، عادل راشد اور ثاقب محمود

جنوبی افریقا کا اسکواڈ:

کپتان ایڈن مارکرم، ریان رکیلٹن، ٹرسٹن اسٹبس، رسی وین ڈیر ڈوسن، ہینرک کلاسن، ڈیوڈ ملر، ویان مولڈر، مارکو جانسن، کیشو مہاراج، کاگیسو ربادا اور لنگی نگیڈی