شاہد آفریدی نے پہلگام حملے پر بلا ثبوت بھارتی الزامات کو افسوسناک قرار دے دیا

ویب ڈیسک

26th Apr, 2025. 12:08 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شاہد آفریدی نے پہلگام حملے پر بلا ثبوت بھارتی الزامات کو افسوسناک قرار دے دیا

پاکستان کرکٹ ٹیم کے سابق کپتان شاہد آفریدی نے مقبوضہ کشمیر کے علاقے پہلگام میں حملے کے بعد بھارت کی جانب سے پاکستان پر لگائے گئے الزامات کو مسترد کرتے ہوئے شدید ردعمل دیا ہے۔

اپنے بیان میں شاہد آفریدی نے کہا کہ بھارت نے بغیر کسی ثبوت کے پہلگام واقعے کا الزام پاکستان پر لگا کر غیر ذمہ دارانہ رویہ اختیار کیا ہے، جو انتہائی افسوسناک ہے۔ ان کا کہنا تھا کہ پاکستان خود دہشت گردی کا شکار ہے اور ہم انسانی جانوں کے ضیاع پر ہمیشہ افسوس کا اظہار کرتے ہیں، خواہ وہ مقبوضہ کشمیر میں ہو یا پاکستان میں۔

سابق کپتان نے زور دیتے ہوئے کہا کہ پاکستان اور بھارت کے درمیان مسائل کا واحد حل سفارتی بات چیت ہے، لڑائی سے کسی بھی فریق کو فائدہ نہیں ہوگا۔ انہوں نے مزید کہا کہ کھیل، بالخصوص کرکٹ کو سیاست کی بھینٹ نہیں چڑھانا چاہیے۔

واضح رہے کہ چند روز قبل مقبوضہ کشمیر کے علاقے پہلگام میں پیش آنے والے واقعے میں 26 بھارتی سیاح ہلاک ہوئے تھے، جس کے بعد بھارت کی جانب سے سندھ طاس معاہدے کی معطلی جیسے سخت اقدامات سامنے آئے ہیں، جبکہ پاکستان نے ان اقدامات کا بھرپور جواب دیا ہے۔