پی ایس ایل 10: اسلام آباد یونائیٹڈ سرفہرست، پوائنٹس ٹیبل پر ٹیموں کی پوزیشن واضح

ویب ڈیسک

25th Apr, 2025. 12:29 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پی ایس ایل 10: اسلام آباد یونائیٹڈ سرفہرست، پوائنٹس ٹیبل پر ٹیموں کی پوزیشن واضح

پاکستان سپر لیگ (پی ایس ایل) 10 میں ٹیموں کے درمیان سخت مقابلے جاری ہیں اور پوائنٹس ٹیبل کی جنگ دلچسپ مرحلے میں داخل ہو چکی ہے۔ پشاور زلمی کی لاہور قلندرز کے خلاف فتح کے بعد پوائنٹس ٹیبل پر نمایاں تبدیلیاں دیکھنے کو ملی ہیں۔

اسلام آباد یونائیٹڈ اب تک ایونٹ کی سب سے کامیاب ٹیم ثابت ہوئی ہے، جو مسلسل پانچ میچز جیت کر 10 پوائنٹس کے ساتھ سرفہرست ہے۔ کراچی کنگز 5 میں سے 3 فتوحات کے ساتھ 6 پوائنٹس لے کر دوسرے نمبر پر ہے۔

لاہور قلندرز اور پشاور زلمی دونوں 5،5 میچز کھیل چکی ہیں اور 2،2 فتوحات کے ساتھ 4،4 پوائنٹس پر ہیں، مگر نیٹ رن ریٹ کے باعث قلندرز تیسرے اور زلمی چوتھے نمبر پر ہے۔

کوئٹہ گلیڈی ایٹرز نے 3 میچز میں صرف ایک کامیابی حاصل کی ہے اور وہ 2 پوائنٹس کے ساتھ پانچویں نمبر پر ہے، جب کہ ملتان سلطانز 5 میچز میں صرف ایک فتح کے ساتھ آخری پوزیشن پر موجود ہے۔

واضح رہے کہ ٹورنامنٹ کے پلے آف مرحلے میں رسائی کے لیے ابتدائی چار ٹیموں کا فہرست میں ہونا ضروری ہے، اس لیے آئندہ میچز تمام ٹیموں کے لیے نہایت اہمیت اختیار کرچکے ہیں۔