ویلٹر ویٹ باکسنگ: پاکستانی باکسر عثمان وزیر نے بھارتی حریف کو پہلے راؤنڈ میں ناک آؤٹ کردیا

ویب ڈیسک

25th Apr, 2025. 02:12 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ویلٹر ویٹ باکسنگ: پاکستانی باکسر عثمان وزیر نے بھارتی حریف کو پہلے راؤنڈ میں ناک آؤٹ کردیا

پاکستانی باکسر عثمان وزیر نے بینکاک میں ہونے والے بین الاقوامی مقابلے میں ایک اور شاندار کامیابی سمیٹ لی، انہوں نے ویلٹر ویٹ باکسنگ مقابلے میں بھارتی حریف ایسورن کو صرف ایک منٹ 41 سیکنڈ میں ناک آؤٹ کر دیا۔

عثمان وزیر نے مقابلے کے دوران آغاز ہی سے جارحانہ حکمت عملی اپنائی اور حریف باکسر کو سنبھلنے کا موقع دیے بغیر تابڑ توڑ حملے جاری رکھے۔ بھارتی باکسر ان حملوں کی تاب نہ لاتے ہوئے پہلے ہی راؤنڈ میں ناک آؤٹ ہوگیا۔

یہ عثمان وزیر کی کیریئر کی 17ویں مسلسل فتح ہے، اور وہ اب تک ناقابلِ شکست باکسر کے طور پر عالمی باکسنگ رِنگ میں اپنی پہچان برقرار رکھے ہوئے ہیں۔

عثمان وزیر کے آبائی علاقے استور میں جشن کا سماں

عثمان وزیر کی جیت پر ان کے آبائی علاقے استور میں جشن منایا گیا، جہاں مقامی لوگوں نے علاقائی رقص کرکے خوشی کا اظہار کیا۔

عثمان کے والد نے میڈیا سے گفتگو کرتے ہوئے کہا: “عثمان کی کامیابی صرف ہمارے خاندان کی نہیں، بلکہ پوری قوم کی کامیابی ہے۔”