گھریلو تشدد کیس میں سابق آسٹریلوی کرکٹر مائیکل سلیٹر کو 4 سال قید کی سزا

ویب ڈیسک

22nd Apr, 2025. 08:02 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

گھریلو تشدد کیس میں سابق آسٹریلوی کرکٹر مائیکل سلیٹر کو 4 سال قید کی سزا

میلبرن: سابق آسٹریلوی کرکٹر مائیکل سلیٹر کو گھریلو تشدد کے کیس میں 4 سال قید کی سزا سنا دی گئی، سابق کرکٹر نے عدالت میں اعتراف جرم کرلیا۔

سابق آسٹریلوی کرکٹرکے خلاف مقدمہ مورچیڈور ڈسٹرک کورٹ میں سنا گیا، ان کے خلاف 2023 کے آخر سے گھریلو خاتون پر تشدد کا مقدمہ زیر سماعت تھا جس میں ان پر شراب نوشی اور دیگر مختلف نوعیت کے الزامات لگائے گئے تھے۔

مائیکل سلیٹر نے درخواست ضمانت کے لئے عدالت سے رجوع کر رکھا تھا تاہم عدالت نے ان کی ضمانت کی درخواست مسترد کردی اور انہیں اعتراف جرم پر 4 سال قید کی سزا سنادی۔

مورچیڈور ڈسٹرک کورٹ نے سزا کے وقت پر واضح کیا کہ آپ تشدد کے وقت نشے کی حالت میں رہے ہیں۔ سابق آسٹریلوی کرکٹر نے اپنے اوپر لگائے گئے الزامات میں سے 4 کا اعتراف کرلیا جس پر انہیں سزا سنائی گئی۔

سابق آسٹریلوی کرکٹر ایک سال سے قید میں ہیں اور ان کے خلاف گھریلو تشدد کا مقدمہ زیر سماعت ہے، عدالتی حکم کے بعد انہیں مزید 3 سال قید میں گزارنی ہوگی۔

واضح رہے کہ مائیکل سلیٹر 74 ٹیسٹ اور 42 ون ڈے میچز میں آسٹریلیا کی نمائندگی کرچکے ہیں۔