لاہور: پی ایس ایل 10 کا میلہ کل سے دوبارہ سجنے جارہا ہے جس کے لیے ٹیموں نے غیر ملکی کھلاڑیوں کی دستیابی اور متبادل کا اعلان کردیا ہے۔

پی ایس ایل کی ٹائٹل دوڑ 9 روز کے وقفے کے بعد کل سے دوبارہ شروع ہونے جاری ہے جس میں کل پشاور زلمی کا مقابلہ کراچی کنگز سے راولپنڈی کرکٹ اسٹیڈیم میں ہوگا۔

تاہم ٹیموں نے غیرملکی کھلاڑیوں کی دستیابی اور زخمی کھلاڑیوں کے متبادل کا باضابطہ اعلان کردیا ہے۔

اسلام آباد یونائیٹڈ

اسلام آباد یونائیٹڈ نے اعلان کیا ہے کہ ٹیم کو بقیہ سیزن کے لیے پانچ بین الاقوامی کھلاڑیوں کی خدمات حاصل ہوں گی جن میں الیکس ہیلز، راسی وان ڈر ڈوسن، بین ڈوارشئیس، جمی نیشم اور ٹائمل ملز۔

اس حوالے سے فرنچائز کا کہنا ہے ’’یہ عالمی معیار کے کھلاڑی دنیا کی بہترین ٹی ٹوئنٹی لیگز کا تجربہ رکھتے ہیں جو ٹورنامنٹ کے فیصلہ کن مرحلے میں ہمارے امکانات کو مضبوط کریں گے‘‘۔

لاہور قلندرز

لاہور قلندرز نے اسکواڈ میں دو اہم تبدیلیاں کی ہیں اور زخمی غیرملکی کھلاڑیوں کی جگہ دو نئے انٹرنیشنل اسٹارز کو شامل کیا گیا ہے۔

لاہور قلندرز نے بھانوکا راجاپکسا کو ٹام کرن کی جگہ ٹیم میں شامل کیا ہے جب کہ شکیب الحسن نے ڈیریل مچل کی جگہ لی ہے۔

کوئٹہ گلیڈی ایٹرز

پوائنٹس ٹیبل پر سرفہرست کوئٹہ گلیڈی ایٹرز نے شاندار حکمتِ عملی کے ایشیائی پاور ہٹرز کو ٹیم میں شامل کیا ہے جس میں دینیش چندیمل، اوِشکا فرنینڈو اور گل‌بدین نائب شامل ہیں۔

علاوہ ازیں فن ایلن اور رائلی روسو کو بھی کوئٹہ گلیڈی ایٹرز نے برقرار رکھنے کا فیصلہ کیا ہے۔