پی ایس ایل کے دوسرے ایڈیشن کے 20 ویں میچ میں کراچی کنگز نے ملتان سلطانز 87 رنز کے بھاری مارجن سے ہرا دیا، جس کے بعد ملتان سلطانز کا پی ایس ایل میں سفر ختم ہوگیا اور ملتان سلطانز ٹورنامنٹ سے باہر ہوگئی۔

پی ایس ایل کا 21 واں میچ کوئٹہ گلیڈی ایٹرز اور لاہور قلندر کے درمیان لاہور کے قذافی اسٹیڈیم میں کھیلا گیا، جو تیز آندھی کے بعد ہونے والی موسلا دھار بارش کی وجہ سے منسوخ کردیا گیا، اس طرح دونوں ٹیموں کو ایک ایک پوائنٹ مل گیا۔

گزشتہ روز ہونے والے 2 میچز کے بعد پوائنٹس ٹیبل کی صورتحال کچھ یوں ہے کہ اسلام آباد یونائیٹڈ 6 میچز کھیل کر 5 میں کامیابی کے بعد 10 پوائنٹس کے ساتھ پہلی پوزیشن پر ہے۔

لاہور قلندرز کی ٹیم 8 میچز میں سے 4  میں کامیابی، 3 میں شکست اور ایک میچ بے نتیجہ ہونے کے بعد 9 پوائنٹس کے ساتھ دوسرے نمبر پر موجود ہے۔

کوئٹہ گلیڈی ایٹرز کی ٹیم 7 میچز میں 4 میں کامیابی،2 میں شکست اور ایک میچ بے نتیجہ ہونے کے بعد 9  پوائنٹس کے ساتھ تیسری پوزیشن پر ہے۔

کراچی کنگز 7 میچز میں سے 4 میں کامیابی کے ساتھ 8 پوائنٹس حاصل کرکے چوتھے نمبر پر موجود ہے۔ پشاور زلمی 6 میچز میں سے 2 میں کامیابی کے بعد 4 پوائنٹس کے ساتھ پانچویں اور ملتان سلطانز 8 میچز میں صرف ایک کامیابی کے ساتھ ٹیبل پر آخری پوزیشن پر ہے۔

واضح رہے کہ ٹاپ 4 ٹیمیں پی ایس ایل کے پلے آف مرحلے کیلئے کوالیفائی کریں گی۔