لاہور: بابر اعظم اور معاذ صفدر کی ففٹیز کی بدولت پشاور زلمی نے اسلام آباد یونائیٹڈ کو شکست دیدی ۔

پی ایس ایل 10 کے 22 ویں میچ میں اسلام آباد یونائیٹڈ نے پشاور زلمی کو جیت کے لیے 144 رنز کا ہدف دیاتھا۔

اسلام آباد یونائیٹڈ نے پہلے بیٹنگ کرتے ہوئے مقررہ 20 اوورز میں 9 وکٹوں کے نقصان پر 143 رنز بنائے۔

یونائیٹڈ کے صاحبزادہ فرمان 36، کائل میئرز 18، کولن منرو 11، شاداب خان 15، اور بین ڈاؤرشز نے 33 رنز بنائے۔

پشاور زلمی کی جانب سے محمد علی نے 3 وکٹیں حاصل کیں۔

پاکستان سپر لیگ (پی ایس ایل) سیزن 10 کا 22 واں میچ لاہور کے قذافی اسٹیڈیم میں کھیلا جارہا ہے جس میں اسلام آباد یونائیٹڈ نے ٹاس جیت کر بیٹنگ کا فیصلہ کیا ہے۔

11 اوورز کے اختتام تک اسلام آباد یونائیٹڈ نے 3 وکٹوں کے نقصان پر 75 رنز اسکور کرلیے ہیں، صاحبزادہ فرحان 36، کائیل میئرز 18 اور سلمان آغا 4 رنز بناکر پویلین لوٹ گئے۔

جواب میں پشاور زلمی نے بابر اعظم کی ففٹ کی بدولت 17 ویں اوور میں ہدف 4 وکٹوں کے نقصان پر حاصل کرلیا،انہوں نے 49 بولوں سے 53 رنز کی اننگ کھیلی ، معاذ صداقت نے بھی 33 بالز پر 55 رنز کی جارحانہ اننگ کھیلی۔

اس سے قبل ٹاس کے موقع پر اسلام آباد یونائیٹڈ کے کپتان شاداب خان کا کہنا تھا کہ کوشش کررہے ہیں کہ تمام کھلاڑیوں کو میچ پریکٹس دیں، اعداد و شمار دیکھ کر پہلے بیٹنگ کا فیصلہ کیا۔

پشاور زلمی کے کپتان بابر اعظم نے کہا کہ ٹاس جیتتے تو ہم بھی پہلے بیٹنگ کرتے، ابتدائی 6 اوورز بہت اہم ہوں گے اور کوشش کریں گے وکٹیں حاصل کریں۔

بابر اعظم کا کہنا تھا کہ کوشش کررہے ہیں جو میچ ہے اسی پر توجہ دیں، ہماری ٹیم میں جونیئر اور سینئر کھلاڑیوں کا اچھا کمبی نیشن ہے۔