لاہور: پاکستان اور بنگلادیش کے درمیان کھیلی جانے والی ٹی ٹوئنٹی سیریز کے لیے میچ آفیشلز کا اعلان کردیا گیا۔
پاکستان اور بنگلادیش کے درمیان رواں ماہ ہونے والی تین ٹی ٹوئنٹی انٹرنیشنل میچوں پر مشتمل سیریز کے لیے پاکستان کرکٹ بورڈ (پی سی بی) نے میچ آفیشلز کا اعلان کردیا ہے۔ یہ میچز 28 مئی، 30 مئی اور یکم جون کو کھیلے جائیں گے۔
آئی سی سی ایلیٹ میچ ریفریز پینل کے رکن اور سابق سری لنکن کرکٹر رنجن مدوگالے کو سیریز کے تمام میچز کے لیے میچ ریفری مقرر کیا گیا ہے۔
پہلا ٹی ٹوئنٹی
پہلے میچ میں آصف یعقوب اور راشد ریاض آن فیلڈ امپائرز کے فرائض انجام دیں گے جب کہ احسن رضا تھرڈ امپائر اور فیصل خان آفریدی فورتھ امپائر ہوں گے۔
Advertisement
دوسرا ٹی ٹوئنٹی
Advertisement
دوسرے میچ کے لیے راشد ریاض اور فیصل خان آفریدی آن فیلڈ امپائرز ہوں گے۔ احسن رضا تھرڈ امپائر جب کہ آصف یعقوب فورتھ امپائر کے طور پر فرائض سرانجام دیں گے۔
تیسرا ٹی ٹوئنٹی
سیریز کے تیسرے اور آخری میچ میں احسن رضا اور آصف یعقوب آن فیلڈ امپائرز ہوں گے۔ فیصل خان آفریدی تھرڈ امپائر جب کہ راشد ریاض چوتھے امپائر کے طور پر موجود ہوں گے۔
پی سی بی کے مطابق تمام میچز بین الاقوامی معیار کے مطابق شفافیت اور پیشہ ورانہ مہارت کے ساتھ کرائے جائیں گے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
