پاکستان نے کھیل کے ایک اور میدان میں بھارت کو دھول چٹا دی

ویب ڈیسک

15th Jul, 2025. 04:30 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان نے کھیل کے ایک اور میدان میں بھارت کو دھول چٹا دی

پاکستان نے کھیل کے ایک میدان ورلڈ ماسٹرز اسنوکر چیمپیئن شپ میں بھارت کو دھول چٹا دی، پاکستان کے دونوں کیوسٹس ناک آؤٹ مرحلے میں پہنچ گئے۔

آئی بی ایس ایف ورلڈ ماسٹرز اسنوکر چیمپئن شپ میں پاکستان کے دونوں کیوسٹس شاہد آفتاب اور محمد آصف ناک آؤٹ راؤنڈ میں پہنچ گئے ۔

بحرین میں جاری ایونٹ کے دوسرے روز پاکستان کے شاہد آفتاب اور محمد آصف نے اپنے آخری گروپ میچز کھیلے جس میں شاہد آفتاب نے بھارت کے منن چندرا کومات دی۔

شاہد آفتاب نے بغیر کوئی فریم ڈراپ کیے تین ۔ صفر سے کامیابی حاصل کی، اُن کی کامیابی کا اسکور 90-17، 59-46 اور 105-46 رہا۔

پاکستان کے دوسرے کیوسٹ محمد آصف اپنے آخری گروپ میچ میں بھارت کے برجیش دامانی سے ہار گئے، برجیش دامانی نے محمد آصف کو تین ۔ صفر سے ہرایا۔

بھارتی پلیئر کی آصف کے خلاف جیت کا اسکور 66-39، 66-0 اور 79-41 رہا۔

گروپ میچز کے بعد شاہد آفتاب نے پری کوارٹر فائنل میں جگہ بنالی جب کہ محمد آصف آخری 22 کھلاڑیوں میں شامل ہوگئے۔