ایک گیند پر 3 چھکے، 22 رنز؛ کرکٹ کی تاریخ کا منفرد ریکارڈ

ویب ڈیسک

28th Aug, 2025. 06:27 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایک گیند پر 3 چھکے، 22 رنز؛ کرکٹ کی تاریخ کا منفرد ریکارڈ

کرکٹ کی دنیا میں ایک نیا اور انوکھا ریکارڈ قائم ہوگیا ہے، جب ویسٹ انڈیز کے آل راؤنڈر رومایو شیفرڈ نے کیریبئن پریمیئر لیگ میں ایک ہی گیند پر تین چھکے لگاکر مجموعی طور پر 22 رنز بٹور لیے۔

یہ منفرد واقعہ گیانا ایمازون واریئرز اور سینٹ لوشیا کنگز کے درمیان کھیلے گئے میچ کے دوران پیش آیا۔ میچ کے 15ویں اوور میں بولنگ کی ذمہ داری اوشیانے تھومس کے پاس تھی، جنہوں نے بار بار نو بالز اور وائڈ بالز کرائیں۔

اوور کی تیسری گیند پر شیفرڈ کیچ آؤٹ ہوئے مگر وہ نوبال قرار پائی۔ اس کے بعد مزید گیندیں بھی نوبال نکلیں جس پر رومایو شیفرڈ نے دو بلند و بالا چھکے لگاکر میدان میں سنسنی پھیلا دی۔

یہ بھی پڑھیں: ویسٹ انڈیز کے بیٹر نے ٹی 20 انٹرنیشنل میں انوکھا ریکارڈ بنا ڈالا

اگلی لیگل گیند پر بھی انہوں نے چھکا جڑدیا۔ اس طرح ایک ہی گیند کے نتیجے میں 22 رنز اسکور ہوگئے جو کرکٹ کی تاریخ میں ایک انوکھا ریکارڈ بن گیا۔

رومایو شیفرڈ نے شاندار بیٹنگ کرتے ہوئے صرف 34 گیندوں پر 73 رنز کی دھواں دار اننگز کھیلی۔ تاہم ان کی یہ جراتمندانہ اننگز بھی ٹیم کو جیت نہ دلا سکی اور گیانا ایمازون واریئرز کو شکست کا سامنا کرنا پڑا۔

یہ واقعہ شائقین کے لیے ایک یادگار لمحہ ثابت ہوا اور سوشل میڈیا پر اس پر بھرپور تبصرے جاری ہیں۔ ماہرین کے مطابق کرکٹ میں اس نوعیت کے واقعات نہایت کم دیکھنے کو ملتے ہیں۔