ایشیا کپ کا دنگل؛ صائم ایوب فائنل کھیلیں گے یا نہیں؟ کپتان نے اشارہ دے دیا

ویب ڈیسک

28th Sep, 2025. 10:34 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایشیا کپ کا دنگل؛ صائم ایوب فائنل کھیلیں گے یا نہیں؟ کپتان نے اشارہ دے دیا

قومی کرکٹ ٹیم کے کپتان سلمان علی آغا نے ایشیا کپ کے فائنل سے قبل پاکستانی بیٹر صائم ایوب پر مکمل اعتماد کا اظہار کردیا ہے۔

سلمان علی آغا نے نیوز کانفرنس میں گفتگو کرتے ہوئے کہا کہ صائم ایوب بیٹنگ اور بولنگ دونوں میں بہترین کارکردگی دکھا رہے ہیں، امید ہے کہ وہ فائنل میں بھی اہم کردار ادا کریں گے۔

انہوں نے کہا کہ ممکن ہے میری بیٹنگ اب تک توقع کے مطابق نہ رہی ہو لیکن فائنل میں بہتر کھیلنے کی پوری کوشش کروں گا۔

کپتان نے مزید کہا کہ پاکستان اور بھارت دونوں پر یکساں دباؤ ہوگا اور جو ٹیم کم غلطیاں کرے گی وہی کامیاب ہوگی، بھارتی میڈیا کی باتوں سے ٹیم کی توجہ متاثر نہیں ہوتی۔

مزید پڑھیں: ’’ آج سے اپنا وعدہ رہا، ہم ملیں گے ہر اک موڑ پر‘‘، ایشیا کپ کا سپر فائنل آج

ہینڈ شیک کے معاملے پر سوال کے جواب میں انہوں نے کہا کہ کرکٹ کی تاریخ میں کبھی ایسا نہیں ہوا کہ ٹیموں نے ہاتھ نہ ملایا ہو۔ میرے والد بھی کرکٹ کے شوقین ہیں، انہوں نے بھی کبھی ایسا واقعہ نہیں بتایا۔

بھارتی کپتان کے فوٹوشوٹ سے متعلق سلمان علی آغا کا کہنا تھا کہ اگر وہ چاہتے ہیں تو کریں، ورنہ کوئی مسئلہ نہیں۔

واضح رہے کہ ایشیا کپ کا فائنل پاکستان اور بھارت کے درمیان آج کھیلا جائے گا، جو پاکستانی وقت کے مطابق شام ساڑھے سات بجے شروع ہوگا۔